मजूरीत वाढ झाली नाही तर पाठबंद आंदोलन करण्याचा हमाल कष्टक-यांनी दिला इशारा...

मजुरीत वाढ झाली नाहीतर हमाल कष्टकरी पाठबंद आंदोलन करणार..!!

छत्रपती संभाजीनगर (औरंगाबाद), दि.27(डि-24 न्यूज) -बाजार समिती मधील हमाल कष्टकऱ्यांचे मजुरीत वाढ झाली नाही तर हमाल कष्टकरी पाठबंद आंदोलन करतील असा इशारा जिल्हा उपनिबंधक यांचे ऑफिस वरील निदर्शनाचे वेळी देण्यात आला.

गेले 10 वर्षापासून जाधववाडी येथील हमाल कष्टकऱ्यांना शेतकऱ्यांकडील मजुरीत वाढ केली गेली नसल्याने, आज सकाळी जिल्हा उपनिबंधकांचे ऑफिस वर हमाल कष्टकऱ्यानी प्रचंड निदर्शने केली , त्यावेळी पाठबंद आंदोलनाचा इशारा देण्यात आला.

महाराष्ट्र राज्य हमाल मापाडी महामंडळाचे सरचिटणीस साथी सुभाष लोमटे यांचे सह हमाल प्रतिनिधींचे एक शिष्टमंडळ सह जिल्हा उपनिबंधक ज्ञानेश्वर मातेरे यांना भेटून मागण्यांचे निवेदन दिले.

जिल्हाधिकारी यांचे उपस्थितीत लवकरात लवकर बैठक घेवून, मजूरी वाढीचा प्रश्न मार्गी लावू असे आश्वासन सह निबंधकांनी यावेळी दिले.

शिष्टमंडळात बाजार समिती संचालक साथी देविदास किर्तीशाही, मराठवाडा लेबर युनियन चे साथी देवचंद आल्हाट, शेख नन्हु, साथी शेख युनुस, साथी उत्तम साळवे मराठवाडा लेबर युनियन चे उपाध्यक्ष साथी छगन गवळी,इ. चा समावेश होता.

निदर्शनात साथी उत्तम नरवडे, साथी शिवाजी राऊत, साथी फरीद पठाण, साथी अशोक वाघमारे, शेख अन्वर, साथी राजेश लिहिणार इ. चा प्रमुख सहभाग होता.