अखेर निवडणुकांचा बिगुल वाजला, 246 नगरपरिषदा, 42 नगरपंचायतीसाठी 2 डिसेंबरला मतदान...

अखेर निवडणुकांचा बिगुल वाजला...

246 नगर परिषदा, 42 नगर पंचायतीच्या निवडणूक जाहीर, 2 डिसेंबरला मतदान, 3 डिसेंबरला निकाल...

राज्यात आचारसंहिता लागू...

मुंबई, दि.4(डि-24 न्यूज) पाच सहा वर्षांपासून स्थानिक स्वराज्य संस्था निवडणुका कधी होतील याची प्रतिक्षा राज्यातील जनतेला होती ती प्रतिक्षा आज संपली आहे. आज दुपारी चार वाजता राज्याचे निवडणूक आयुक्त दिनेश वाघमारे यांनी निवडणुकांची घोषणा केली. त्यांनी पत्रकार परिषदेत 246 नगरपालिका आणि 42 नगरपंचायतींच्या निवडणुका जाहीर करत असल्याची घोषणा केली. मतदान आणि निकाल कधी..? संपूर्ण टाईमटेबल

राज्यातील 246 नगरपालिका आणि 42 नगरपंचायतींसाठींच्या मतदानाच्या तारखा जाहीर करण्यात आल्या आहेत. त्यासाठी 2 डिसेंबर रोजी मतदान होणार असून त्याचा निकाल 3 डिसेंबर रोजी होणार आहे. त्यासाठी आजपासून 4 नोव्हेंबरपासून आचारसंहिता लागू करण्यात आली आहे. 

राज्यातील 29 महापालिका, 32 जिल्हा परिषदा, 42 नगर पंचायती, 336 पंचायत समिती, 246 नगरपालिकांची मुदत संपली असून त्यासाठी निवडणुका घेण्यात येणार आहे. त्याच्या पहिल्या टप्प्यात नगरपालिका आणि नगरपंचायतींच्या निवडणुका घेण्यात येणार आहेत.

असा असेल निवडणुकीचा वेळापत्रक...

नामनिर्देशन पत्र - 10 नोव्हेंबर

अंतिम मुदत - 17 नोव्हेंबर

छाननी - 18 नोव्हेंबर

अर्ज माघारी घेण्याची तारीख - 21 नोव्हेंबर

निवडणूक चिन्ह वाटप - 26 नोव्हेेबर

मतदान - 2 डिसेंबर

निकाल - 3 डिसेंबर

राज्यातील नगरपालिका आणि नगरपंचायतीच्या निवडणुकीसाठी अंतिम मतदार यादी 31 ऑक्टोबरला प्रसिद्ध झाली आहे. त्यानुसार मतदान होणार आहे. त्यामध्ये एकूण 1 कोटी 7 लाख 3 हजार 576 मतदार असतील. त्यासाठी राज्यात एकूण 13 हजार कन्ट्रोल युनिट स्थापन करण्यात आले आहेत.

विभागनिहाय नगरपरिषद-नगरपंचायती निवडणूक

कोकण - 17

नाशिक -49

पुणे -60

संभाजीनगर (औरंगाबाद )-52

अमरावती -45

नागपूर -55

उमेदवारांच्या खर्चात वाढ...

यंदा नगरपालिका आणि नगरपंचायत निवडणूक लढवणाऱ्या उमेदवारांसाठी खर्च मर्यादा वाढवण्यात आली आहे. त्यानुसार अ वर्ग नगरपालिकांच्या अध्यक्षपदासाठी 15 लाखांची मर्यादा तर क वर्ग नगरपालिकांसाठी 7 लाखांची खर्च मर्यादा ठरवण्यात आली आहे.

मतदारांच्या सोयीसाठी नवीन अॅपची निर्मिती करण्यात आली आहे. दुबार मतदानासंदर्भात योग्य खबरदारी घेतली आहे. संभाव्य दुबार मतदारांच्या पुढे डबल स्टारचे चिन्ह दाखवण्यात आले आहे. ज्या मतदारांच्या पुढे डबल स्टार असेल त्याच्याकडून दुसरीकडे मतदान करणार नाही असे डिक्लरेशन घेतले जाईल. अशी माहिती निवडणूक आयुक्त दिनेश वाघमारे यांनी पत्रकार परिषदेत दिली आहे.