चाळीसगाव-धुळे पर्यायी अवजड वाहतूक मार्ग...

छत्रपती संभाजीनगर ते चाळीसगाव- धुळे; पर्यायी अवजड वाहतुक मार्ग

छत्रपती संभाजीनगर (औरंगाबाद), दि.27(डि-24 न्यूज)- छत्रपती संभाजीनगर ते चाळीसगाव- धुळे कडे जाणाऱ्या मार्गावर नांदगाव तलवाडा घाट शिवुर बंगला या भागात रस्त्याचे काम सुरु असल्याने दि.25 नोव्हेंबर 2025 ते 25 एप्रिल 2026 या कालावधीत सर्व प्रकारची अवजड- जड वाहतुकीसाठी पर्यायी वाहतुक मार्ग उपलब्ध करुन देण्यात आला आहे. सर्व वाहनांनी पर्यायी मार्गाचा वापर करावा,असे आदेश पोलीस अधीक्षक ग्रामिण डॉ. विनयकुमार राठोड यांनी निर्गमित केले आहेत.

छत्रपती संभाजीनगर कडून कन्नड व तलवाडा घाटातून चाळीसगावकडे जाणारी वाहतुक आता छत्रपती संभाजीनगर- साजापूर- लासूर- गंगापूर चौफुली- वैजापूर- येवला- मनमाड- चाळीसगाव धुळेकडे जाईल.

छत्रपती संभाजीनगरकडून कन्नड व तलवाडा घाटातून धुळ्याकडे जाणारी वाहतुक आता छत्रपती संभाजीनगर- साजपूर-(सोलापूर- धुळे मार्गाने) माळीवाडा समृद्धी महामार्गाने झांबरगाव पर्यंत तेथून खाली उतरुन गंगापूर चौफुली वैजापूर- वैजापूर येवला- मनमाड मार्गे धुळेकडे जाईल.

छत्रपती संभाजीनगर ते चाळीसगाव –धुळे कडे जाणारी जड वाहतुक आता छत्रपती संभाजीनगर साजापूर- कसाबखेड फाटा- देवगाव रंगारी- शिऊर- वैजापूर मार्गे येवला- मनमाड- चाळीसगाव मार्गे धुळेकडे जाईल.