मोठी बातमी... देवेंद्र फडणवीस भाजपाचे राष्ट्रीय अध्यक्ष होणार...?

मोदींच्या भेटीनंतर चर्चा सुरू, नितीन गडकरी यांच्यानंतर महाराष्ट्राला मिळणार दुस-यांदा अध्यक्षपद...!

नवी दिल्ली, दि.30(डि-24 न्यूज) लोकसभेच्या निकालानंतर उपमुख्यमंत्री देवेंद्र फडणवीस यांनी संघटनेत काम करण्याची इच्छा व्यक्त केली होती. आज पंतप्रधान नरेंद्र मोदी यांच्या भेटीनंतर फडणवीस यांची राष्ट्रीय अध्यक्ष पदावर वर्णी लागणार अशी चर्चा राजकीय वर्तुळात सुरू झाली आहे. जे.पी.नड्डा हे मंत्री झाल्यानंतर त्यांचा उत्तराधीकारी कोण हि चर्चा होती. राष्ट्रीय सचिव विनोद तावडे, सुनील बन्सल हे अध्यक्ष बनतील असे वाटले होते परंतु फडणवीस यांचे नाव सर्वात पुढे आल्याने हि मोठी जवाबदारी त्यांना मिळण्याची शक्यता आहे.

सध्या राज्यात मराठा आरक्षणाच्या मागणीसाठी आंदोलन सुरू आहे फडणवीस यांच्यावर मराठा समाजाचा रोष आहे हा रोष कमी करण्यासाठी भाजपा त्यांना केंद्रात घेऊन हा रोष कमी करण्यासाठी निर्णय घेणार असल्याचे सुत्रांनी सांगितले आहे. लोकसभा निवडणुकीत भाजपाला राज्यात फटका बसला होता. विधानसभेत बसू नये म्हणून त्यांची राष्ट्रीय अध्यक्षपदी निवड करणार असल्याचे दिसून येत आहे.

फडणवीस हे ब्राह्मण आहे त्यांचे भाजपा नेतृत्वाशी चांगले संबंध आहे यामुळे हि जमेची बाजू आहे. म्हणून त्यांचे नाव अध्यक्षपदासाठी सर्वात पुढे आहे.