वाहनांवर HSRP नंबर प्लेट बसवण्यासाठी उद्या शेवटचा दिवस, 2 लाख 98 हजार 641 वाहनधारकांनी बसवली...

छत्रपती संभाजीनगर (औरंगाबाद), दि.29(डि-24 न्यूज) - वाहनावर हाय सेक्युरिटी नंबर प्लेट (HSRP) बवण्यासाठी उद्या शेवटची तारीख आहे. आतापर्यंत 2 लाख 98 हजार 641 वाहनधारकांनी हि नंबर प्लेट बसवली आहे तर 3 लाख 54 हजार 709 वाहनधारकांनी हि नंबर प्लेट बसवण्यासाठी ऑनलाईन बुकींग केली असल्याची माहिती आरटीओ विजय काठोळे यांनी दिली आहे.

परिवहन विभागाला अजून 5 लाख नंबर प्लेट बसवण्याचे आवाहन आहे. उद्या 30 नोव्हेंबर रोजी मुदत संपणार आहे. हि मुदत तीनदा वाढली होती आणखी हि मुदत वाढण्याची शक्यता आहे यानंतर दंडात्मक कारवाई वाहनधारकांवर होणार आहे. देशभरात एकच नंबर प्लेट असावी यासाठी हा निर्णय शासनाने घेतला आहे. सर्व प्रकारच्या वाहनांना अद्ययावत, सुधारीत नंबर प्लेट बसवावी लागणार आहे त्यासाठी आरटीओ कार्यालयाने एजन्सी नेमली आहे. हि नंबर प्लेट बसवण्यासाठी 31 मार्च 2025 हि मुदत दिली होती परंतु अल्प प्रतिसाद मिळाला म्हणून 30 एप्रिल 2025, 15 ऑगस्ट 2025, 30 नोव्हेंबर 2025 मुदत दिली होती. हि नंबर प्लेट बसवण्यासाठी वाहनधारकांची संख्या मोठी असल्याने यासंदर्भात प्रशासनाकडून दिशानिर्देश जारी केले जाण्याची शक्यता आहे. नंबर प्लेट बदलण्यासाठी आतापर्यंत मुदतवाढ दिली नाही सध्या प्रमाणात नंबर प्लेट बदलण्याचे काम बाकी आहे. वाहनधारकांनी दंडात्मक कारवाई टाळण्यासाठी लवकरात लवकर नंबर प्लेट बदलावी. यासंबंधी राज्य शासनाचा धोरणात्मक निर्णय घेतल्यानंतर परिवहन विभाग त्यानुसार कार्यवाही करणार आहे अशी माहिती आरटीओ विजय काठोळे यांनी दिली आहे.