संजय केनेकर यांच्या कावड यात्रेला जनसागर लोटला...

संजय केनेकर यांच्या कावड यात्रेला जनसागर लोटला...

छत्रपती संभाजीनगर (औरंगाबाद), दि.19(डि-24 न्यूज) -

श्रावण हा हिंदू धर्मियांचा सण आणि उत्सवाचा महीना त्यातील श्रावण मासानिमित्त आमदार श्री संजय केणेकर यांनी भव्य दिव्य अशी कावड यात्रा आयोजित केली होती.

सदरील कावड यात्रेची सुरुवात श्री रामेश्वर महादेव मंदिर जाधववाडी येथून होऊन ते खडकेश्वर महादेव मंदिर येथे समाप्त झाली.

सदरील कावड यात्रेचा शुभारंभ ह.भ.प महंत श्री रामगिरीजी महाराज यांच्या शुभहस्ते झाली.

श्रावण मासात सर्व शिवभक्त शिवाची आराधना करतात तोच धागा पकडून आमदार संजय केनेकर यांनी छत्रपती संभाजीनगर शहरातील सर्व हिंदू संघटनांना एकत्र करून सदरिल यात्रेचे आयोजन केले होते. 10 हजार शिवभक्त होते. त्यात हिंदू विचारसरणीच्या संघटनांच्या 5 ते 6 हजार युवकांनी आपला सहभाग नोंदविला हे या कार्यक्रमाचे ठळक वैशिष्ट्य होते.

कावड यात्रेचा मार्ग श्री रामेश्वर महादेव मंदिर जाधववाडी येथून सुरुवात होऊन ती जिजाऊ चौक, टीव्ही सेंटर, उद्धवराव पाटील चौक, अण्णाभाऊ साठे चौक, शहागंज, सराफा, गुलमंडी, औरंगपुरा मार्गे खडकेश्वर महादेव मंदिर येथे कावड यात्रेचा समारोप झाला. 5 ते 7 किलोमीटर अंतर पार करून श्री खडकेश्वर महादेव मंदिर येथे दक्षिणची गंगा म्हणून ओळखली जाणारी गोदावरीतील कावड़ियांनी आणलेले जल अर्पण करून श्री खडकेश्वर महादेवाला अभिषेक करण्यात आला व कावड यात्रेचा समारोप झाला. सदरील कावड यात्रेचे प्रमुख आकर्षण उत्तर प्रदेश येथील अघोरी कलावंतांचा संच, 12 फुटी श्री महादेवाची मूर्ती चार फुटी महादेवाची पिंड, भव्य दिव्य श्री हनुमान मूर्ती होते.

या कावड यात्रेत दहा हजाराहुन अधिक शिवभक्त व तिनशेहुन अधिक स्वयंसेवक होते. सदरिल कावड यात्रा भर पावसात मोठ्या जल्लोशात व दिमाखात मार्गस्थ होत होती हे दृश्य विलोभनीय होते.

कार्यक्रमाचे आयोजक आमदार श्री.संजय केनेकर व शिव शंभू प्रतिष्ठान यांनी केले होते.