वाहतूक पोलीस कर्मचाऱ्याला रिक्षाचालकाने तब्बल 20 फुट फरफटत नेले, रिक्षाचालकाला तीन दिवस कस्टडी...

वाहतूक पोलीस कर्मचाऱ्याला रिक्षाचालकाने 20 फुट फरफटत नेले, रिक्षाचालकाला तीन दिवस कस्टडी...

छत्रपती संभाजीनगर (औरंगाबाद), दि.24(डि-24 न्यूज) - शहरात ऑटो चालकांनी वाहतूकीचे नियम पाळावे म्हणून वाहतूक पोलीसांकडून तपासणी सुरू आहे. बाबा पेट्रोल पंप येथे नेहमी वाहतूकीची वर्दळ असते वाहतूक पोलीस नेहमी येथे वाहतूक सुरळीत करण्यासाठी तैनात असतात. रविवारी दुपारी एक वाजेच्या दरम्यान भगवान महावीर चौकात वाहतूक पोलिस कर्मचाऱ्याला एका रिक्षाचालकाने (MH-20, EK-4632) तब्बल 20 फुट फरफटत नेत धुम ठोकली. रिक्षाचालकाने गणवेश घातला नसल्याने वाहतूक पोलीस कर्मचाऱ्याने थांबण्याचा इशारा देताच हि घटना घडली. या घटनेत छावणी वाहतूक शाखेचे अंमलदार तुकाराम टाकसाळे गंभीर जखमी झाले. ड्युटीवर तैनात वाहतूक पोलिसांनी उपचारासाठी एका खाजगी रुग्णालयात आयसियुत दाखल केले. हि घटना सिसिटीवीत कैद झाली आहे. वेदांतनगर पोलिस ठाण्यात ऑटो चालक युसुफ मोहम्मद अली अन्सारी, वय 27, राहणार मोमीनपुरा, छत्रपती संभाजीनगर (औरंगाबाद) याच्या विरोधात गुन्हा दाखल करुन अटक केली आहे. न्यायालयाने तीन दिवसांची पोलीस कोठडी सुनावली आहे. घटनास्थळी पंचनामा करण्यासाठी आरोपीला घटनास्थळी आणले होते. या घटनेचा अधिक तपास केला जात आहे. शहरातील रिक्षाचालकांनी वाहतूकीचे नियम पाळत पॅसेंजर यांना दर्जेदार सेवा द्यावी नियमांचे उल्लंघन केले तर कडक कारवाई करण्यात येईल अशी माहिती वेदांतनगर पोलिस ठाण्याचे निरीक्षक श्रीमती प्रविणा पवार यांनी दिली आहे.