शहरात महापालिकेच्या वतीने शववाहीनी सेवा उपलब्ध...

छत्रपती संभाजीनगरमध्ये महापालिकेची शववाहीनी सेवा उपलब्ध

छत्रपती संभाजीनगर (औरंगाबाद), दि.24(डि-24 न्यूज)- महानगरपालिकेकडून नागरिकांसाठी महत्त्वाची सुविधा उपलब्ध करून देण्यात आली आहे. महाराष्ट्र शासनामार्फत महानगरपालिकेला दोन शववाहिन्या (वाहन क्रमांक MH12 XM 4669) देण्यात आल्या असून त्या नागरिकांच्या सेवेसाठी सज्ज करण्यात आल्या आहेत.

महापालिकेच्या माहितीनुसार, शववाहिन्यांमध्ये मृतदेह वाहतुकीसाठी शीतपेटीकेची व्यवस्था करण्यात आली आहे. यामुळे मृतदेह सुरक्षित स्थितीत वाहतूक होणार आहे. शहरातील विविध रुग्णालयांतून शहरांतर्गत तसेच शहराबाहेरील भागांमध्ये मृतदेह नेण्यासाठी ही वाहने भाडेतत्त्वावर उपलब्ध करून दिली जाणार आहेत.

नागरिकांच्या मागणीनुसार शहरांतर्गत प्रवासासाठी प्रति ट्रिप 1000 रुपये, तर शहराबाहेर 1000 रुपये भाडे आणि त्यासोबत प्रति किलोमीटर 30 रुपये या प्रमाणे शुल्क आकारले जाणार असल्याचे महापालिकेने म्हटले आहे.

शववाहीनी भाडेतत्त्वावर मिळण्यासाठी इच्छुकांनी कनिष्ठ अभियंता (यांत्रिकी) श्रीमती राधिका चव्हाण (मो. 9764634600) किंवा वाहन चालक श्री. रतन दळवे (मो. 7972963407) यांच्याशी संपर्क साधावा, असे कार्यकारी अभियंता (यांत्रिकी) श्री. अमोल कुलकर्णी यांनी कळविले आहे.

या सेवेमुळे नागरिकांना मृतदेह वाहतुकीची सुविधा सुलभ आणि वेळेवर उपलब्ध होणार असल्याची माहिती महापालिकेकडून देण्यात आली.