महापालिका निवडणुकीच्या मतदार यादीत घोळ, काँग्रेसचा आरोप, आयुक्तांची घेतली भेट...

महापालिका निवडणुकीच्या मतदार यादीत घोळ, काँग्रेसचा आरोप...

शहर जिल्हा काँग्रेस कमिटी तर्फे महानगरपालिका मतदार यादीमधील घोळ दुरुस्तीची मुदत 15 दिवसांनी वाढवण्याची व दोषींना बडतर्फ करण्याची मागणी. आयुक्तांना निवेदन

छत्रपती संभाजीनगर (औरंगाबाद), दि.26(डि-24 न्यूज) - आगामी छत्रपती संभाजीनगर महानगरपालिका निवडणुकांच्या पार्श्वभूमीवर मतदार यादीतील त्रुटी दूर करण्यासाठी आणि नव्या मतदारांना न्याय मिळावा म्हणून मतदार याद्यांच्या हरकती व सूचना दाखल करण्याची मुदत किमान 15 दिवसांनी वाढवावी, अशी ठाम मागणी महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांच्या निर्देशानुसार छत्रपती संभाजीनगर शहर जिल्हा काँग्रेस कमिटीचे अध्यक्ष शेख युसूफ यांच्या नेतृत्वाखाली मनपा आयुक्तांकडे केली आहे. 

काँग्रेसच्या शिष्टमंडळाने आज मनपा आयुक्तांना निवेदन देत मतदार यादी प्रक्रियेतील गंभीर तांत्रिक अडचणी, वेबसाइटच्या त्रुटी, आणि नागरिकांना पडणाऱ्या अडथळ्यांवर सविस्तर माहिती दिली. 

20 नोव्हेंबर 2025 रोजी प्राथमिक मतदार याद्या जाहीर करण्यात आल्या. मात्र मतदार यादीत हरकती व सूचना दाखल करण्यासाठी उपलब्ध असलेली वेबसाइट वारंवार बंद पडणे, सर्व्हर डाऊन, अर्ज सबमिट न होणे. मतदाराचे नाव शोधण्यात येणाऱ्या अडचणी. यामुळे हजारो नागरिकांचे अर्ज प्रलंबित राहिले असल्याचे छत्रपती संभाजीनगर शहर जिल्हा काँग्रेस कमिटी ने निदर्शनास आणून दिले आहे.

शहर जिल्हाध्यक्ष शेख युसूफ म्हणाले की मतदार यादीतील चुका मोठ्या प्रमाणात दिसून येत आहेत. अनेक नागरिकांचे नावे अद्याप गायब आहेत. तरुण प्रथमच मतदान करणाऱ्यांचे नोंदणी अर्ज अडकले आहेत. अनेकांना यादी तपासता न आल्याने हरकती दाखल करणे अशक्य झाले आहे. राजकीय पक्षांनाही मतदार यादी मिळण्यात तांत्रिक अडथळे निर्माण झाल्याचे त्यांनी स्पष्ट केले.

यावेळी शहर जिल्हा काँग्रेस कमिटीचे अध्यक्ष शेख युसूफ, इब्राहिम पठाण, शेख अथर, इंजि.इफ्तेखार शेख, अनिस पटेल, संघटन महासचिव इंजि. विशाल बन्सवाल, इंजि. मोहसिन शेख, शेख कैसर बाबा, महेंद्र रमंडवाल, शेख रईस, सलीम खान, मोईन हरसुलकर, नदीम सौदागर, मुझफ्फर खान, योगेश थोरात, शेख अब्बास, शेख युनुस, निलेश आंबेवाडीकर, योगेश बहादुरे, अभिषेक शिंदे, मुकेश सोनवणे, मोहम्मद जाकीर, आकेफ रजवी, साजिद कुरैशी, शेख नवीद, इम्रान पठाण, शफीक शहा, मजाज खान, रवी लोखंडे, शेख इम्रान, राजू रमंडवाल, मंजू लोखंडे, परवीन देशमुख, अरुणा लांडगे, नीता भालेराव यांच्यासह पदाधिकारी व कार्यकर्ते उपस्थित होते.