महापालिकेच्या वतीने संविधान उद्देशिकेची रथयात्रेतून मिरवणूक व वितरण...

संविधान दिन उत्साहात साजरा...

संविधान उद्देशिकेची रथयात्रेतून मिरवणूक व वितरण

छत्रपती संभाजीनगर (औरंगाबाद), दि.26(डि-24 न्यूज)- महानगरपालिकेच्या वतीने आज भारतीय संविधानास 75 वर्ष पूर्ण झाल्यानिमित संविधान दिन उत्साहात साजरा करण्यात आला.

   मनपा मुख्यालय येथे आयुक्त तथा प्रशासक जी श्रीकांत यांच्या हस्ते भारतीय संविधानाचे जनक डॉ.बाबासाहेब आंबेडकर यांच्या प्रतिमेस पुष्पहार अर्पण करून अभिवादन करण्यात आले. तसेच संविधान उद्देशिकेचे पुष्प अर्पण करून अभिवादन करण्यात आले. यावेळी माजी विधान परिषद विरोधी पक्ष नेते अंबादास दानवे, माजी खासदार चंद्रकांत खैरे, अतिरिक्त आयुक्त रणजीत पाटील ,कल्पिता पिंपळे, उप आयुक्त तथा विभाग प्रमुख लखीचंद चव्हाण, मुख्य लेखा परीक्षक शिवाजी नाईकवाडे, माहिती व जनसंपर्क अधिकारी तौसीफ अहमद, विभागाचे रविंद्र खरात, अतुल बनकर, करण साळवे, विविध विभागातील कर्मचारी आदींची मोठ्या संख्येने उपस्थिती होती.

  यावेळी सामूहिक रित्या संविधान उद्देशिकेचे वाचन करण्यात आले.तसेच 26 /11 मुंबई दहशतवादी हल्यात शहीद झालेल्या शहिदांना दोन मिनिटांचे मौन पाळून श्रद्धांजली देण्यात आली.

यानंतर मनपा मुख्यालय ते क्रांती चौक या मार्गावर रथ यात्रेचे आयोजन करण्यात आले होते.

    या रथ यात्रेचे उद्घाटन आयुक्त महोदय यांच्या हस्ते दीप प्रज्वलन करून करण्यात आले. यावेळी अतिरिक्त आयुक्त रणजीत पाटील, कल्पिता पिंपळे, उप आयुक्त लखीचंद चव्हाण, मुख्य आरोग्य वैद्यकीय अधिकारी डॉ. पारस मंडलेचा, सांस्कृतिक अधिकारी शंभू विश्वासू, माहिती व जनसंपर्क अधिकारी तौसीफ अहमद, वरिष्ठ लिपीक संजय रगडे,अधिकारी कर्मचारी यांची उपस्थिती होती. मनपाच्या आस्थापना विभागातील वरिष्ठ लिपीक संजय म्हस्के यांनी डॉ बाबासाहेब आंबेडकर यांची वेशभूषा करून डॉ बाबासाहेब आंबेडकर यांना अभिवादन केले. यावेळी त्यांनी आयुक्त यांना भारतीय संविधानाची प्रत दिली. त्यांच्या हस्ते उपस्थित कर्मचारी संविधान उद्देशिका फ्रेम चे वितरण करण्यात आले.

    मनपा मुख्यालय ते क्रांती चौक या मार्गावर मनपाच्या वतीने भारतीय संविधानाचे 75 वर्ष पूर्ण झाल्यानिमित उद्देशिकेचे प्रत ची मिरवणूक काढण्यात आली. या मिरवणुकीत नागरिकांना उद्देशिकेचे फ्रेम भेट देण्यात आली. या मिरवणुकीत विविध विभागातील कर्मचारी यांनी मोठ्या संख्येने सहभाग घेतला. या नंतर क्रांती चौक येथे उप आयुक्त तथा विभाग प्रमुख लखीचंद चव्हाण यांच्या अध्यक्षतेखाली या रथ यात्रेचा समारोप करण्यात आला. याठिकाणी भीम गीतांचा सांस्कृतिक कार्यक्रम घेण्यात आला. तसेच संविधान उद्देशिकेचे वाचन करून राष्ट्र गीताने या कार्यक्रमाची सांगता करण्यात आली.कार्यक्रमाचे सूत्र संचालन सांस्कृतिक अधिकारी शंभू विश्वासू यां

नी केले.