महापालिका निवडणूकीत युती करायची असेल तर महाराष्ट्रात करु - इम्तियाज जलिल

महापालिका निवडणुकीत युती करायची असेल तर महाराष्ट्रात करु - इम्तियाज जलिल

छत्रपती संभाजीनगर (औरंगाबाद), दि.15(डि-24 न्यूज) - आज राज्यातील 29 महापालिका निवडणुकीची घोषणा झाली. 15 जानेवारी 2026 रोजी मतदान व 16 जानेवारी 2026 ला निकालाची घोषणा निवडणूक आयोगाने केल्यानंतर राजकीय पक्षांच्या नेत्यांच्या प्रतिक्रिया यायला सुरुवात झाली आहे. एमआयएम पक्षाचे प्रदेशाध्यक्ष सय्यद इम्तियाज जलिल यांनी युतीबाबत मोठे वक्तव्य केले आहे. छत्रपती संभाजीनगर (औरंगाबाद) शहरात एमआयएमची ताकत असल्याने इच्छूकांची संख्या पण जास्त आहे अशा परिस्थितीत छत्रपती संभाजीनगर महापालिका निवडणुकीत काही राजकीय पक्षांनी एमआयएमशी युती करण्याची ऑफर दिली होती. परंतु आज इम्तियाज जलिल यांनी स्पष्ट केले की युती करायची इच्छा असेल तर महाराष्ट्रात करु एकट्या छत्रपती संभाजीनगर महापालिका निवडणुकीत करणार नाही. 2015 मध्ये झालेल्या निवडणुकीत 25 नगरसेवक निवडून आले होते विरोधीपक्षनेते पदी वर्णी लागली होती. शहरात ज्या प्रभागात आमची ताकत आहे युती केल्यानंतर ते ती जागा मागतिल मग मिठाचा खडा पडेल आणि त्याचे विपरीत परिणाम होतील. युती कोणाशी झाली नाही तर आम्ही एकटे निवडणूक लढण्यास सक्षम आहे सर्व 29 महापालिका निवडणुकीत आम्ही उमेदवार देणार आहे. छत्रपती संभाजीनगर लोकसभा व विधानसभा निवडणुकीत मतदारांनी एमआयएमला जो आशिर्वाद दिला होता तोच प्रतिसाद या निवडणुकीत मिळाला तर सिंगल लार्जेस पार्टी एमआयएम बनेल व महापौर बनेल असा दावा त्यांनी आज प्रतिक्रिया देताना केला आहे. त्यांनी सांगितले एमआयएमच्या नगरसेवकांनी आपल्या वार्डात मोठ्या प्रमाणात विकासकामे केली आहे मतदारांनी आशिर्वाद दिला तर महापौर एमआयएमचा होईल असा विश्वास त्यांनी व्यक्त केला.