फोडाफोडीचे राजकारण तापले, शिंदे सेना भाजपात जुंपली, मंत्री संजय शिरसाट यांचा भाजपाला इशारा...

फोडाफोडीचे राजकारण तापले, मंत्री संजय शिरसाट यांचा भाजपाला इशारा, शिंदे सेना भाजपात जुंपली...

छत्रपती संभाजीनगर (औरंगाबाद), दि.25(डि-24 न्यूज) - शिंदे सेनेच्या महीला जिल्हाध्यक्ष शिल्पारानी वाडकर यांचा भाजपात प्रवेश करुन घेतला व जिल्हा प्रमुख राजेंद्र जंजाळही भाजपात जाणार असल्याची चर्चा राजकीय वर्तुळात सुरू झाल्याने याचा परिणाम आगामी महापालिका व जिल्हा परिषद निवडणूकीवर होऊ शकतो याची खबरदारी घेत आज छत्रपती संभाजीनगर जिल्ह्याचे पालकमंत्री संजय शिरसाट यांचे फोडाफोडीच्या राजकारणावर मोठे वक्तव्य आले आहे. शिंदे सेनेचे जिल्हाप्रमुख राजेंद्र जंजाळ हे स्थानिक स्वराज्य संस्था निवडणुकांमध्ये प्रचारापासून दूर असल्याने ते नाराज असल्याचे बोलले जात आहे. त्यांना निवडणुकीतील निर्णय प्रक्रीयेतून बाजूला ठेवल्याने ते नाराज असल्याने उपमुख्यमंत्री एकनाथ शिंदे यांच्याकडे अहवाल दिल्याची माहिती मिळाली आहे. तर थेट पालकमंत्री संजय शिरसाट यांनी भाजपाला इशारा देत म्हटले की महायुतीचा धर्म पाळा. काही लोकांकडे पैसे जास्त आल्याने ते मस्तीत आहे. फोडाफोडीचे राजकारण केले तर याचा परिणाम आगामी महापालिका, जिल्हा परिषद व पंचायत समिती निवडणुकीवर होईल. नितिमत्ता चांगली ठेवा. आम्ही फोडाफोडीचे राजकारण केले तर याचा परिणाम भोगावे लागतील. कार्यकर्ते फोडत असल्याचा अहवाल उपमुख्यमंत्री एकनाथ शिंदे यांना पाठवला आहे. काय निर्णय घ्यायचा ते घेतील परंतु मुख्यमंत्री देवेंद्र फडणवीस, उपमुख्यमंत्री अजित पवार व उपमुख्यमंत्री एकनाथ शिंदे यांनी एकत्र बसून अशा होणा-या फोडाफोडीच्या राजकारणावर तोडगा काढावा अशी मागणी केली आहे. महायुतीत मतभेद किंवा वाद नाही. परंतु फुलंब्रीचा नगराध्यक्ष पदाचा उमेदवार भाजपने आपल्याकडे घेतला, गंगापूर, वैजापूर, खुलताबाद येथे काय सुरू आहे सर्व माहिती मिळत आहे. उमेदवार व कार्यकर्त्यांना भाजपात घेतले जात आहे हे कितपत योग्य आहे आम्ही तालुका लेवलचा कार्यकर्ता किंवा नेता घेतला तर वाईट वाटून घेऊ नका असा इशारा त्यांनी दिला आहे. स्थानिक नेते हे काम करत आहे असा इशारा भाजपाला शिरसाटांनी दिला आहे. उध्दव सेनेतून आलेल्या नेत्यांना स्थानिक स्वराज्य संस्था निवडणुकांमध्ये जवाबदारी दिली जात आहे. निर्णय प्रक्रियेत सहभागी झाले आहे म्हणून जंजाळ नाराज असल्याने प्रचारापासून दूर असल्याने भाजपात प्रवेश करणार असल्याची चर्चा आहे. जंजाळ यांनी प्रचारात उतरावे त्यांना कोणी रोखले. जिल्ह्याचा दौरा काढला पाहिजे अशी प्रतिक्रिया मंत्री संजय शिरसाट यांनी दिली आहे.