मनपा निवडणूक, इच्छूकांसाठी खुशखबर... मंगळवारी लकी ड्रॉ

मनपा निवडणूक, इच्छूकांसाठी खुशखबर, मंगळवारी लकी ड्रॉ...!

छत्रपती संभाजीनगर (औरंगाबाद), दि.8(डि-24 न्यूज)- नगरपरिषदा व नगरपंचायत निवडणुकीची घोषणा झाली पण महापालिका निवडणुका कधी होतील याकडे इच्छूकांचे लक्ष लागले आहे. इच्छूकांसाठी खुशखबर आली आहे. मंगळवारी दिनांक 11 नोव्हेंबर 2025 रोजी डॉ.बाबासाहेब आंबेडकर मराठवाडा विद्यापीठाच्या नाट्यगृहात छत्रपती संभाजीनगर(औरंगाबाद) महानगरपालिका सार्वत्रिक निवडणुकीसाठी प्रभाग आरक्षणाची सोडत होणार असल्याची माहिती आयुक्त तथा प्रशासक जी.श्रीकांत यांनी दिली. 

या आरक्षणाच्या सोडतीत ओबीसीसाठी 31 जागा, त्यामध्ये 16 महीला, एसटी प्रवर्गासाठी 2 त्यात एक महीला, एससी प्रवर्गासाठी 22 जागा त्यात 11 महीला, सर्वसाधारण महीलासाठी 30 जागा आरक्षित राहणार आहेत. मंगळवारी काढण्यात येणाऱ्या सोडतीसाठी अधिका-यांना जवाबदारी दिली आहे. मुख्य नियंत्रण अधिकारी म्हणून अतिरिक्त आयुक्त रणजीत पाटील यांची नियुक्ती करण्यात आली आहे.