उध्दव ठाकरे यांची गुरुवारी शहरात विराट जाहीर सभा...!

उध्दवजी ठाकरे यांच्या संभाजीनगरात तीन जाहिर सभेचे आयोजन

छत्रपती संभाजीनगर (औरंगाबाद), दि.11(डि-24 न्यूज )शिवसेना (उध्दव बाळासाहेब ठाकरे) पक्षाचे पक्षप्रमुख उध्दवजी ठाकरे साहेब यांची विराट जाहिर सभा गुरुवार दि. 14 नोव्हेंबर रोजी सायंकाळी ऐतिहासिक अशा मराठवाडा सांस्कृतिक मंडळावर आयोजित असुन ही सभा गर्दीचा उच्चांक प्रस्थापित करणार असल्याचे शिवसेना नेते - विधान परिषद विरोधी पक्षनेते अंबादास दानवे यांनी पत्रकार परिषदेत सांगितले.

याशिवाय 14 नोव्हेंबर रोजी दु. 3 वाजता उदयसिंग राजपुत यांच्या प्रचारार्थ कन्नड येथे तर 15 नोव्हेंबर रोजी सकाळी 11 वाजता सुरेश बनकर यांच्या प्रचारार्थ सिल्लोड येथे सभा होणार आहे.

संभाजीनगरातील सभा जिल्ह्यातील उमेदवार बाळासाहेब थोरात (संभाजीनगर मध्य), उदयसिंग राजपुत (कन्नड), राजु शिंदे (पश्चिम), लहुजी शेवाळे (पूर्व), दत्ता गोर्डे (पैठण), दिनेशसिंग परदेशी (वैजापूर), सतिष चव्हाण (गंगापूर), सुरेश बनकर (सिल्लोड), विलास औताडे (फुलंब्री) यांचे प्रचारार्थ होणार आहे. पत्रकार परिषदेत शिवसेना विभागीय सचिव अशोक पटवर्धन, काँग्रेस शहराध्यक्ष शेख युसूफ, राष्ट्रवादी काँग्रेस शहराध्यक्ष ख्वाजा शरफोद्दीन, प्रभारी जिल्हाप्रमुख त्र्यंबक तुपे, महानगरप्रमुख राजू वैद्य, माजी महापौर नंदकुमार घोडेले, अभिषेक देशमुख, जिल्हा समन्वयक डॉ. शोएब हाश्मी, शहरप्रमुख विश्वनाथ स्वामी, विधानसभा संघटक दिग्विजय शेरखाने, गोपाल कुलकर्णी व शहर संघटक सचिन तायडे, महिला आघाडी संपर्क संघटक सुनिता आऊलवार, सुनिता देव, अनिता मंत्री, जिल्हा संघटक आशाताई दातार व राष्ट्रवादी काँग्रेस महिला शहराध्यक्ष मेहराज पटेल उपस्थित

होते.