पदवीधर मतदारसंघ निवडणुकीत छत्रपती संभाजीनगर जिल्ह्यात किती टक्केवारी वाचा या बातमीत

पदवीधर मतदारसंघ निवडणुकीत छत्रपती संभाजीनगर जिल्ह्यात 55.73 टक्के मतदान

छत्रपती संभाजीनगर (औरंगाबाद), दि.23 (डि-24 न्यूज)-05-औरंगाबाद विभाग पदवीधर मतदारसंघाच्या निवडणूक-2026 अंतर्गत छत्रपती संभाजीनगर जिल्ह्यात आज सायंकाळी 4 वाजेपर्यंत एकूण 55.73 टक्के मतदान झाले.

जिल्ह्यातील 217 मतदान केंद्रांवर मतदान प्रक्रिया पार पडली. जिल्ह्यात 93 हजार 318 मतदार आहेत. यामध्ये 66 हजार 385 पुरुष, 26 हजार 928 महिला आणि 5 इतर मतदारांचा समावेश आहे.

सायंकाळी 4 वाजेपर्यंत 39 हजार 270 पुरुष आणि 12 हजार 737 महिला मतदारअशा एकूण 52 हजार 7 मतदारांनी मतदान केले. त्यानुसार पुरुष मतदारांची मतदानाची टक्केवारी 59.15, महिला मतदारांची 47.30, तर एकूण मतदानाची टक्केवारी 55.73 इतकी नोंदविण्यात आली, अशी अंतरिम आकडेवारी जिल्हा निवडणूक शाखेने दिली आहे.