विशाल राठोड डिजिटल काॅंट्रीब्युशन पुरस्काराने सन्मानित

विशाल राठोड "डिजिटल काँट्रीब्युशन" पुरस्काराने सन्मानित

छत्रपती संभाजीनगर (औरंगाबाद), दि.27(डि-24 न्यूज)- डिजिटल क्षेत्रात उल्लेखनीय कार्य केल्याबदल शहरातील विशाल राठोड (लाला) यांना केंद्रीय सामाजिक न्याय राज्यमंत्री रामदास आठवले यांच्या हस्ते भारतरत्न "डॉ. बाबासाहेब आंबेडकर प्राईज फॉर डिजिटल काँट्रीब्युशन" हा पुरस्कार मुंबईतील यशवंतराव चव्हाण सेंटर येथे प्रदान करून सन्मानित करण्यात आले. 

छत्रपती संभाजीनगर येथील विशाल राठोड (लाला) हे सिनेक्षेत्रात कार्यरत आहे. त्यांचे विविध अल्बम तसेच चित्रपट निर्मिती क्षेत्रात योगदान असून ते डिजिटल कलावंत, अभिनेता म्हणून प्रसिद्ध आहेत. हा पुरस्कार रामदास आठवले व त्यांच्या टीमने संपूर्ण महाराष्ट्रभरातून सोशल मीडियावर असलेले 16 क्रियेटर निवडले होते. यापैकी एक नाव छत्रपती संभाजीनगर मधील युवा विशाल विलास राठोड (लाला) यांच आहे. केंद्रीय सामाजिक न्याय राज्यमंत्री रामदास आठवले यांच्या यूट्यूब चैनल वर या कार्यक्रमाचे थेट प्रेक्षेपण करण्यात आले होते. जगभरातून या कार्यक्रमाला 60 ते 70 हजार डिजिटल प्रेक्षकांनी आपली उपस्थिती दर्शवली. विशाल राठोड यांच्या या यशाबद्दल त्यांचे मित्र, नातेवाईक व हितचिंतकांनी त्यांना पुढील वाटचालीसाठी शुभेच्छा देत त्यांचे अभिनंदन केले आहे.