हमालवाडा येथील 8 दुकानांचे अतिक्रमण जमिनदोस्त

रेल्वे स्टेशन, हमालवाडी येथील आठ दुकानांचे अतिक्रमण जमीनदोस्त...

औरंगाबाद, दि.23(डि-24 न्यूज) आज महानगरपालिका अतिक्रमण हटाव विभागामार्फत रेल्वेस्टेशन हमालवाडी येथील अनधिकृत 8 दुकानांचे बांधकाम जमीनदोस्त व 7 लोखंडी टपऱ्या निष्कासित करण्यात आल्या.

आयुक्त तथा प्रशासक जी श्रीकांत यांच्या आदेशानुसार आज महानगरपालिकेच्या वतीने रेल्वे स्टेशन हमालवाडी येथील 9 मीटर रस्ता बाधित एकूण 8 अनधिकृत दुकानांचे बांधकाम जमीनदोस्त करण्यात आले. सकाळी दहा वाजेपासून अतिक्रमण कारवाई सुरू करण्यात आली होती. उप अभियंता नगर रचना विभाग संजय कोंबडे यांनी त्यांच्या पथकासह रस्ता मार्किंग करून दिल्या नंतर या 9 मीटर डी पी रोडवरील रस्ता बाधित अनधिकृत 8 दुकानांचे बांधकाम जमीनदोस्त करण्यात आले. यानंतर या ठिकाणी असलेल्या अनधिकृत 7 लोखंडी टपऱ्या निष्कासित करण्यात आल्या.

सदर कारवाई आयुक्त तथा प्रशासक जी श्रीकांत यांच्या आदेशानुसार अतिरिक्त आयुक्त सौरभ जोशी व उप आयुक्त सविता सोनवणे यांच्या मार्गर्शनाखाली इमारत निरीक्षक सारंग विधाते ,रामेश्वर सुरासे, नागरी मित्र पथक कर्मचारी व अतिक्रमण हटाव विभाग कर्मचारी यांनी पार पाडली अशी माहिती अतिक्रमण विभागाच्या वतीने देण्यात आली आहे.