अट्टल मोटारसायकल चोराला स्थानिक गुन्हे शाखेचा दनका, 18 गुन्हे उघडकीस, 7 मोटारसायकल जप्त

अट्टल मोटारसायकल चोराला स्थानिक गुन्हे शाखेचा दणका; 18 गुन्हे उघडकीस

7 मोटारसायकली जप्त; 12 चोरीच्या वाहनांची विक्री केल्याचे तपासात निष्पन्न...

छत्रपती संभाजीनगर (औरंगाबाद ), दि.12(डि-24 न्यूज)- शहर व परिसरात मोटारसायकल चोरी करणाऱ्या अट्टल चोराला स्थानिक गुन्हे शाखेने ताब्यात घेत मोठी कारवाई केली आहे. आरोपीकडून चोरीच्या 7 मोटारसायकली हस्तगत करण्यात आल्या असून, त्याच्या चौकशीतून विविध पोलीस ठाण्यांमधील एकूण 18 मोटारसायकल चोरीचे गुन्हे उघडकीस आले आहेत.

दिनांक 11 सप्टेंबर 2026 रोजी स्थानिक गुन्हे शाखेचे पोलीस निरीक्षक विजयसिंग राजपूत यांना गोपनीय माहिती मिळाली. इसम नावाचे शेख इरफान शेख सरवर (वय 27, रा. चौसरनगर, उस्मानपुरा, छत्रपती संभाजीनगर) याने पोलीस ठाणे चिकलठाणा हद्दीत हिरो कंपनीची एच.एफ. डिलक्स मोटारसायकल चोरी केल्याची माहिती मिळाल्यानंतर पथकाने त्याचा शोध सुरू केला.

पोलिसांनी सापळा रचून आरोपीला ताब्यात घेतले. चौकशीत त्याने चिकलठाणा पोलीस ठाण्यातील गुन्ह्याची कबुली दिली. त्यानंतर अधिक चौकशी केली असता त्याने विविध ठिकाणांहून आणखी 6 मोटारसायकली चोरी केल्याची कबुली दिली.

विविध पोलीस ठाण्यांतील गुन्हे उघड...

तपासादरम्यान आरोपीने खालील गुन्ह्यांची कबुली दिली—

चिकलठाणा पोलीस ठाणे — CR 73/2026 — एच.एफ. डिलक्स

चिकलठाणा — CR 77/2026 — एच.एफ. डिलक्स

चिकलठाणा — CR 115/2026 — स्प्लेंडर प्लस

बिडकीन — CR 10/2026 — स्प्लेंडर प्लस

बिडकीन — CR 87/2026 — स्प्लेंडर प्लस

बिडकीन — CR 166/2026 — एच.एफ. डिलक्स

बिडकीन — CR 222/2026 — स्प्लेंडर प्लस

बिडकीन — CR 320/2026 — होंडा युनिकॉर्न

बिडकीन — CR 371/2026 — होंडा शाईन

खुलताबाद — CR 149/2026 — एच.एफ. डिलक्स

खुलताबाद — CR 242/2026 — हिरो आय स्मार्ट स्प्लेंडर

खुलताबाद — CR 339/2026 — बजाज प्लॅटिना

अशा प्रकारे विविध पोलीस ठाण्यांमध्ये दाखल असलेले 12 मोटारसायकल चोरीचे गुन्हे तपासात निष्पन्न झाले.

चोरीच्या वाहनांची विक्री...

पोलिसांच्या चौकशीत आरोपीने चोरीच्या मोटारसायकलींची विक्री केल्याचीही माहिती दिली. त्याने शेख मुदस्सिर शेख अन्सार (रा. संजय नगर, बायजीपुरा) याला वाहन दिल्याचे सांगितले. तसेच अब्दुल रहमान जियाउद्दीन (रा. मुजिब कॉलनी, रोशन गेट, छत्रपती संभाजीनगर) याला प्रत्येकी सुमारे 3 हजार रुपये किमतीमध्ये चोरीची वाहने विकल्याचे तपासात समोर आले.

पोलिसांनी या प्रकरणात आरोपी शेख मुदस्सिर शेख अन्सार (वय 23) याचीही चौकशी केली असून, त्याच्याकडून चोरीच्या वाहनांच्या विक्रीबाबत महत्त्वाची माहिती मिळाली आहे.

दोन आरोपी ताब्यात; फरार आरोपींचा शोध सुरू...

या कारवाईत आतापर्यंत एकूण 7 मोटारसायकली जप्त करण्यात आल्या आहेत. मुख्य आरोपी शेख इरफान शेख सरवर, वय 27 वर्षे, तसेच शेख मुदस्सिर शेख अन्सार, वय 23 वर्षे, यांना चिकलठाणा पोलीस ठाण्यात अधिक तपासासाठी हजर करण्यात आले आहे. प्रकरणातील इतर फरार आरोपींचा शोध सुरू आहे.

कारवाई करणारे अधिकारी व कर्मचारी

ही कारवाई पोलीस अधीक्षक प्रकाश भा. जाधव व अपर पोलीस अधीक्षक श्री. प्रशांत स्वामी यांच्या मार्गदर्शनाखाली करण्यात आली.

स्थानिक गुन्हे शाखेचे पोलीस निरीक्षक श्री. विजयसिंग राजपूत, पोलीस उपनिरीक्षक लहु घोडे यांच्या सोबत—

पो.हे. विठ्ठल डोके

विजय धुमाळ

पो.अं. सनी खरात

महेश बिरटे

संदीप कोळंगे

योगेश तरमळे

जिवन घोलप

यांनी ही उल्लेखनीय कारवाई केली.