ब्रीजवाडीतील युवकांचा भाजपात जाहीर प्रवेश, माजी नगरसेवक भरत लकडे यांनीही केला प्रवेश

"ब्रीजवाडीतील युवकांचा भाजप मध्ये जाहीर प्रवेश 

माजी नगर सेवक भरत लकडे यांचा समावेश

छत्रपती संभाजीनगर(औरंगाबाद), दि.6(डि-24 न्यूज) आगामी विधानसभा निवडणुकीच्या पार्श्वभूमीवर छत्रपती संभाजीनगर पूर्व मतदारसंघातील ब्रीजवाडी भागातील शेकडो युवकांनी भारतीय जनता पक्षात (भाजप) जाहीर प्रवेश करून महायुतीला बळ दिले आहे. महायुतीचे उमेदवार श्री. अतुल सावे यांच्या नेतृत्वाखालील विकास कामांवर विश्वास ठेवून, युवकांनी बुधवारी मुख्य प्रचार कार्यालयात पक्षात प्रवेश केला. यावेळी उबाठाचे माजी नगरसेवक भरत लकडे आणि ब्रीजवाडी मधील सचिन मिसाळ यांच्या माध्यमातून हा पक्ष प्रवेश करण्यात आला.

या पक्षप्रवेशामुळे महायुतीचे उमेदवार श्री. सावे यांना आगामी निवडणुकीत मोठ्या मताधिक्याने विजयी करण्याच्या दिशेने युवकांचे सहकार्य मिळणार आहे. छत्रपती संभाजीनगरमध्ये झालेल्या या उत्साही प्रवेश सोहळ्याला भाजप नेते डॉ. भागवत कराड, शिरीष बोराळकर, सुरेंद्र पाटणी, अनिल मकरीये, बाळासाहेब सानप, आणि किशोर शितोळे यांचीही उपस्थिती होती.

पक्षप्रवेशाच्या या सोहळ्यात युवकांचा उत्साह ओसंडून वाहत होता. विविध विकास कामांसाठी कटीबद्ध असलेल्या श्री. सावे यांच्या नेतृत्वात, या युवकांनी पक्षाच्या भविष्यातील विकास योजनांमध्ये सक्रिय सहभाग नोंदवण्याचे संकल्प केले. श्री. सावे यांच्या नेतृत्वामुळे ब्रीजवाडीतील युवकांनी महायुतीचा हात धरत, त्यांच्या क्षेत्राच्या उज्ज्वल भवितव्याची दिशा ठरवली आहे.

यावेळी विनोद व्यवहारे, रोहित शिंदे, विश्वजीत नरवडे, कुणाल जगताप, विनोद निकाळजे, विनोद साळुंखे, भगवान सोनवणे,संतोष त्रिभवण, रुद्र वाकोडे, भारत शिंदे, विशाल हिवाळे, विशाल केदारे, विशाल ससाने, विकास घोरपडे, आकाश गायकवाड, शुभम अभंग, सुमित सावंत, अनिल यादव, काकासाहेब काकडे, संदीप शिंदे, गणेश नाबकर, अजय साठे, अजय डोळे, आकाश अभंग, राहुल गायकवाड, राहुल वाणी, परमेश्वर शिंदे, परमेश्वर खरात, गणेश गायकवाड, रवी सूर्यनारायण, संदीप खंडाळे, बाळासाहेब शिंदे, सनी गायकवाड, प्रतीक सोनी, सुनील पटेकर यांच्या सह शेकडो युवकांनी भाजप मध्ये प्रवेश केला.