मोफत लॅप्रोस्कोपिक कुटुंबनियोजन शस्त्रक्रिया शिबिर, मनपाच्या रुग्णालयात सुरक्षित आणि परिणामकारक सुविधा...

“मोफत लॅप्रोस्कोपिक कुटुंबनियोजन शस्त्रक्रिया शिबिर - महानगरपालिकेच्या रुग्णालयात सुरक्षित आणि परिणामकारक सुविधा’’

छत्रपती संभाजीनगर (औरंगाबाद), दि.26(डि-24 न्यूज)- महानगरपालिकेचे आयुक्त तथा प्रशासक श्री. जी. श्रीकांत यांच्या अध्यक्षतेखाली व वैद्यकीय आरोग्य अधिकारी डॉ. पारस मंडलेचा यांच्या मार्गदर्शनानुसार आरोग्य विभागाच्या वतीने आज दि. 26/11/ 2025 रोजी कैसर कॉलनी महानगरपालिका रुग्णालयात मोफत लॅप्रोस्कोपिक स्त्री कुटुंब नियोजन शस्त्रक्रिया शिबीर आयोजित करण्यात आले. या शिबीरामध्ये 13 महिलांची दुर्बिणीव्दारे कुटुंब नियोजन शस्त्रक्रिया करण्यात आली. सर्व शस्त्रक्रिया सुरळीत पार पडल्या.

कैसर कॉलनी येथील 7 खाटांच्या रुग्णालयामध्ये सदर शिबिराच्या अनुषंगाने अतिरिक्त 6 खाटांची तात्पुरती व्यवस्था करण्यात आली असून, परिचारिका कक्ष रिकामे करून त्याचे वार्डमध्ये रूपांतर करण्यात आले आहे.

वैद्यकीय आरोग्य अधिकारी डॉ. पारस मंडलेचा यांनी या शिबीराच्या पुर्वतयारीची पाहणी केली तसेच शिबीर संपेपर्यंत उपस्थित राहून मार्गदर्शन केले.

या शिबिरामध्ये शल्यचिकित्सक डॉ.गोविंद नरवणे यांनी लॅप्रोस्कोपिक शस्त्रक्रिया केली ,भुलतज्ञ डॉ. शिरसाट, डॉ. दौंड यांनी सेवा दिली त्याचबरोबर डॉ. उनोणे आणि डॉ. सुमैया यांनी शस्त्रक्रिया प्रक्रियेतील महत्वपूर्ण सेवा बजावली.

आत्तापर्यंत महानगरपालिकेच्या तीन रुग्णालयामध्ये दुर्बिणीद्वारे मोफत स्त्री कुटुंब नियोजन शस्त्रक्रिया शिबिर आयोजित करण्यात आले आहेत.

यापुढेही मनपाच्या पाच रुग्णालयांमधून (सिडको एन-8, सिल्क मिल कॉलनी, कैसर कॉलनी, नेहरूनगर, सिडको एन -11) नियमितपणे लॅप्रोस्कोपीक स्री कुटुंब नियोजन शस्त्रक्रिया शिबिरे राबविण्यात येणार आहेत, तरी जास्तीत जास्त लाभार्थ्यांनी त्याचा लाभ घ्यावा, असे आवाहन महानगरपालिका आरोग्य विभागामार्फत करण्यात येत आहे.

उपरोक्त शिबिर यशस्वी होण्यासाठी कैसर कॉलोनी रुग्णालयातील सर्व अधिकारी व कर्मचारी यांनी परिश्रम घेतले त्यामध्ये अंकित सदाशिवे,सुनंदा साठे, बेबीनंद झांबरे, शुभांगी भोपळे, वर्षा सोनवणे, ज्योती तारु, रोहिणी तुंभारे, सारिका कुलकर्णी, देवंगणा शेळके, सज्जाद अन्सारी, प्रदीप जोशी, युवराज लांडगे, आनंद कांबळे इत्यादी सर्वांच्या उत्तम समन्वयामुळे शिबिर यशस्वीरीत्या पा