शहरात अवैध मांस विक्रीच्या दुकानांवर कारवाई सुरू, आज 20 दुकानांची तपासणी

शहरात अवैध मांस विक्रीच्या दुकानांवर कारवाई सुरू, आज 20 दुकानांची तपासणी...

छत्रपती संभाजीनगर (औरंगाबाद), दि.24(डि-24 न्यूज)- मनपा आयुक्त महानगरपालिका पोलीस आयुक्त तसेच मनपा अतिक्रमण नियंत्रण अधिकारी संतोष वाहूळे यांचे आदेशानुसार आज दि.24/10/2025 रोजी झोन क्र.05 अंतर्गत मांस विक्री करणाऱ्या दुकानांची तपासणी करण्यात आली. सदर कारवाई मध्ये एकूण 20 दुकानांची तपासणी करण्यात आली त्यापैकी महानगरपालिकेचे नाहरकत प्रमाणपत्र, मनपाची परवानगी नसलेल्या एकूण 02 दुकानधारकावर दंडात्मक कारवाई करण्यात आली. अवैध मांस विक्री करणारे दुकानधारक श्री अझहर अहेमद कुरैशी- नारेगाव व श्री इमरान कुरैशी यांचे विरुध्द एम.आय.डी.सी सिडको पोलीस स्टेशनमध्ये गुन्हा दाखल करण्यात आला. तसेच सदर कारवाईमध्ये अनधिकृतपणे मांस विक्री करणाऱ्या दुकानातून 120 किलो मांस व इतर साहित्य जप्त करण्यात आले. तसेच मौजे चिकलठाणा येथून रात्र सत्रामधील पथकाने 04 कत्तल संभाव्य जनावरांना जप्त करुन कोंडवाड्यामध्ये जमा करण्यात आले.

सदर कारवाई मनपा पशुधन अधिकारी मा.डॉ.श्री शाहेद खान, सहाय्यक आयुक्त (अतिक्रमण) श्री संजय सुरडकर, पोलीस मुख्यालय येथील सहाय्यक पोलीस निरीक्षक श्री आढाव व पोलीस कर्मचारी, इमारत निरीक्षक श्री रविंद्र देसाई, संदिप काकनाटे व पशुधन कर्मचारी इत्यादी मार्फत सदर करवाई करण्यात आली.