अमित शहा यांची सांस्कृतिक मंडळाच्या मैदानावर जाहीर सभा...!

अमित शहा यांची सांस्कृतिक मंडळाच्या मैदानावर जाहीर सभा...! अकोला आणि जळगाव येथेही दौरा...

औरंगाबाद, दि.11(डि-24 न्यूज) देशाचे गृहमंत्री अमित शहा यांची सांस्कृतिक मंडळाच्या मैदानावर 15 फेब्रुवारी, गुरुवारी जाहीर सभेचे आयोजन सायंकाळी 6 वाजता करण्यात आले आहे अशी माहिती पत्रकार परिषदेत केंद्रीय अर्थ राज्यमंत्री डॉ भागवत कराड यांनी दिली आहे.

मोठ्या संख्येने महायुतीच्या कार्यकर्त्यांनी उपस्थित राहावे असे आवाहन त्यांनी केले आहे. पहिल्यांदाच अमित शहा यांची सभा शहरात होत आहे. औरंगाबाद, जालना अहमदनगर लोकसभा क्लस्टरसाठी या सभेचे आयोजन करण्यात आले आहे. लाखोंचा जनसमुदाय या सभेसाठी येणार आहे. या सभेत उपमुख्यमंत्री देवेंद्र फडणवीस, भाजपाचे प्रदेशाध्यक्ष चंद्रशेखर बावनकुळे व महायुतीचे प्रमुख नेते उपस्थित राहणार आहे. 

यावेळी मंत्री अतुल सावे, महाराष्ट्र लोकसभेचे संयोजक तथा आमदार श्रीकांत भारतीय, महामंत्री तथा राज्याचे महासचिव संजय केनेकर, शहराध्यक्ष शिरीष बोराळकर, जिल्हाध्यक्ष सुहास सिरसाट, जिल्हाध्यक्ष संजय खंबायते, प्रविण घुगे, लोकसभेचे संयोजक समीर राजूरकर, राजू शिंदे आदी उपस्थित होते.

यावेळी डॉ.भागवत कराड यांनी सांगितले लोकसभा निवडणुकीची भाजपाने तयारी सुरू केली आहे. सांस्कृतिक मंडळाच्या मैदानावर होणारी जाहीर सभा महायुतीची होणार आहे. या सभेत महायुतीच्या नेत्यांना निमंत्रित करण्यात येणार आहे. आगामी लोकसभा निवडणुकीत हि जागा जिंकणार असा विश्वास त्यांनी व्यक्त केला.

महायुती ठरवेल तोच उमेदवार येथून असणार आहे. पक्षाच्या वतीने राज्यातील 48 जागेवर बूथ पर्यंत निवडणुकीची तयारी केली जात आहे अशी माहिती यावेळी मंत्री अतुल सावे यांनी यावेळी दिली आहे.