पदवीधर मतदारसंघ निवडणुकीत किती उमेदवार मैदानात, वाचा हि बातमी...

पदवीधर मतदार संघ निवडणूक 2026

अर्ज माघारीनंतर आता 41 उमेदवार रिंगणात

छत्रपती संभाजीनगर (औरंगाबाद), दि.9(डि-24 न्यूज)- निवडणूक आयोगाच्या निर्देशानुसार 05 औरंगाबाद विभाग पदवीधर मतदार संघ निवडणूक 2026 ची प्रक्रिया सुरु आहे. आज उमेदवारी अर्ज माघारी घेण्याच्या दिवसाअखेर एकूण 13 जणांनी आपले उमेदवारी अर्ज मागे घेतले. त्यामुळे आता निवडणुकीच्या रिंगणात 41 उमेदवार आहेत,अशी माहिती निवडणूक निर्णय अधिकारी तथा विभागीय आयुक्त जी. श्रीकांत यांनी आज पत्रकार परिषदेत दिली.

पदवीधर मतदार संघ निवडणूकीसंदर्भात आज विभागीय आयुक्त कार्यालयात पत्रकार परिषदेचे आयोजन करण्यात आले. पत्रकार परिषदेस विभागीय आयुक्त जी.श्रीकांत यांनी संबोधित केले. सह आयुक्त श्रीमती मंजूषा मिसकर यावेळी उपस्थित होत्या. 

पत्रकार परिषदेत माहिती देण्यात आली की, यानिवडणूकीसाठी 05 औरंगाबाद विभाग पदवीधर मतदार संघासाठी दि.29 सप्टेंबर ते 6 ऑक्टोंबर या कालावधीत 62 उमेदवारांनी 92 नामनिर्देशन पत्र दाखल केले होते. दि.7 रोजी झालेल्या छाननी प्रक्रियेअंती 8 उमेदवारांचे नामनिर्देश अवैध घोषीत करण्यात आले. एकूण 54 उमेदवारांचे नामनिरेशन पत्र वैध घोषीत करण्यात आले. दि.8 रोजी एका तर दि.9 रोजी 12 अशा एकूण 13 जणांनी आपले नामनिर्देशन मागे घेऊन आपली उमेदवारी माघारी घेतली. आता निवडणूक लढवणाऱ्या उमेदवारांची संख्या 41 आहे.

या निवडणूकीसाठी एकूण 3 लाख 26 हजार 701 मतदार आपला मतदानाचा हक्क बजावणार आहेत. त्यात 77 हजार 717 महिला, 2 लाख 48 हजार 971 पुरुष आणि 13 इतर असे मतदार आहेत. एकूण 842 मतदान केंद्र असून 935 केंद्राध्यक्ष व 2814 मतदान अधिकारी आहेत. मतदान दि.23 रोजी सकाळी 8 ते दुपारी 4 यावेळात होणार असून मतमोजणी दि.27 रोजी वुडस्टर्म डेकार एमआयडीसी चिकलठाणा, छत्रपती संभाजीनगर येथे होणार आहे. मतमोजणीसाठी 4455 अधिकारी- कर्मचारी नियुक्त करण्याट आले असून निरीक्षक म्हणून श्रीमती माधवी खोडे- चावरे यांची नियुक्ती आहे. तर रामेश्वर रोडगे हे संपर्क अधिकारी आहेत. त्यांचा संपर्क क्रमांक 9822366519 असा आहे. या निवडणूकीतील मतदान हे मतपत्रिकेद्वारे व पसंतीक्रमानुसार अस्ते. निवडणूक निर्णय अधिकारी यांच्या कार्यालयात मदत कक्ष तयार करण्यात आला असून त्याचा क्रमांक 0240-2343164 असा आहे, अशी माहिती यावेळी देण्यात आली.

५-औरंगाबाद विभाग पदवीधर मतदारसंघ निवडणूक

औरंगाबाद विभाग पदवीधर मतदारसंघातून ४१ उमेदवार निवडणुकीच्या रिंगणात

१३ उमेदवारांची माघार; २३ ऑक्टोबरला मतदान, २७ ऑक्टोबरला मतमोजणी

निवडणूक प्रक्रिया नियमानुसार पार पाडण्यासाठी प्रशासन सज्ज

छत्रपती संभाजीनगर, दि. ९ : औरंगाबाद विभाग पदवीधर मतदारसंघाच्या निवडणुकीतून उमेदवारी अर्ज मागे घेण्याच्या अंतिम दिवशी १२ उमेदवारांनी माघार घेतली. यापूर्वी ८ ऑक्टोबर रोजी एका उमेदवाराने माघार घेतली होती. त्यामुळे एकूण १३ उमेदवारांनी निवडणुकीतून माघार घेतली असून, आता ४१ उमेदवार निवडणुकीच्या रिंगणात आहेत. निवडणूक लढविणाऱ्या उमेदवारांची अंतिम यादी नमुना ७-अ व ७-ब मध्ये ९ ऑक्टोबर रोजी दुपारी ३ वाजेनंतर प्रसिद्ध करण्यात आली, अशी माहिती निवडणूक निर्णय अधिकारी तथा विभागीय आयुक्त जी. श्रीकांत यांनी दिली.

विभागीय आयुक्त कार्यालयाच्या सभागृहात 5-औरंगाबाद पदवीधर निवडणूकी संदर्भात माहिती देण्यासाठी निवडणूक निर्णय अधिकारी तथा विभागीय आयुक्त जी श्रीकांत यांच्या अध्यक्षतेखाली पत्रकार परिषद आयोजित करण्यात आली होती. यावेळी सह आयुक्त मंजुषा मिसकर, अपर आयुक्त प्रताप काळे, अपर आयुक्त कुशालसिंह परदेशी, उपयुक्त नगरपालिका प्रशासन देविदास टेकाळे तसेच तहसीलदार के.के. भदाणे यांच्यासह संबंधित अधिकारी उपस्थित होते. 

       या निवडणुकीची प्रक्रिया निवडणूक आयोगाच्या अधिसूचनेनुसार सुरू झाली असून नामनिर्देशनपत्रे दाखल करण्यासाठी २९ सप्टेंबर ते ६ ऑक्टोबर हा कालावधी निश्चित करण्यात आला होता. या कालावधीत ६२ उमेदवारांनी एकूण ९२ नामनिर्देशनपत्रे दाखल केली होती. 

        ७ ऑक्टोबर रोजी निवडणूक निर्णय अधिकारी जी. श्रीकांत यांच्या अध्यक्षतेखाली सर्व ९२ नामनिर्देशनपत्रांची छाननी करण्यात आली. या प्रक्रियेत निवडणूक निरीक्षक म्हणून नियुक्त माधवी खाडे-चावरे उपस्थित होत्या. या छाननीमध्ये आठ उमेदवारांचे नामनिर्देशनपत्र अवैध ठरवून नाकारण्यात आले. छाननीनंतर ५४ उमेदवारांचे नामनिर्देशनपत्र वैध घोषित करण्यात आले होते.

       यानंतर ८ ऑक्टोबर रोजी अंकुश रामराव शिंदे यांनी, तर ९ ऑक्टोबर रोजी ॲड. गुल्लापेल्ली योगेश दत्तु, दीपिका बाप्पा उदरभरे, प्रतीक्षा प्रशांत चव्हाण, प्रशांत रमेश पाटील अवसरमल, प्रियंका केशव तांदळे, बाबासाहेब भुजंगराव उगले, मधुकर किसनराव देशमुख, श्यामकुमार सुरेशराव बोडखे, शेख मोहम्मद अख्तर मोहम्मद सादेक, शेख सलीम शेख इब्राहीम, सुदामराव सदाशिवे आणि संदीप देविदास जाधव यांनी उमेदवारी मागे घेतली. असे एकूण 13 उमेदवारांनी या निवडणुकीतून माघार घेतली आहे. 

निवडणूक लढविणाऱ्या 41 उमेदवारांची नावे – 

1) चव्हाण सतिश भानूदासराव,जि. छत्रपती संभाजीनगर, नॅशनॅलिस्ट कॉग्रेस पार्टी 2) घुगे दिलीप हरिभाऊ, कोथळज जि.हिंगोली, शिवसेना (उध्दव बाळासाहेब ठाकरे) 3) डॉ. प्रतापसिंह वेदप्रकाश पाटील, कळंब, जि. धाराशिव, नॅशनॅलिस्ट कॉग्रेस पार्टी 4) कृष्णा त्रिंबकराव पवार, सेलू जि.परभणी, महाजनता परिर्वतन पार्टी 5) ॲड.प्रज्ञावंत काशीराम मोरे, पहेनी हिंगोली, रिपब्लीकन पार्टी ऑफ इंडिया (ए), 6) श्रीधर साळवे, घाणेगाव जि.औरंगाबाद, भीमसेना 7) शेख अब्दुल मलीक अब्दुल खुद्दूस, पाथरी, जि.परभणी, राष्ट्रीय समाज पक्ष 8) संजीवनी मदनराव टेकाळे, सेलू जि.परभणी, स्वराज्य निर्माण सेना 9) अकील अहमद शेख, दुखी नगर जुना जालना जि.जालना, अपक्ष 10) रविराज उर्फ अण्णासाहेब शेषनाथ साबळे- पाटील, तालुका भूम जि. उस्मानाबाद (धाराशिव), अपक्ष 11) चव्हाण अरुण चिंतामण ता. सिल्लोड जि. छत्रपती संभाजीनगर, अपक्ष 12) अविनाश बंडू गोरे, ता. गंगापूर जि. छत्रपती संभाजीनगर, अपक्ष 13) प्रा. डॉ. अश्विन कुमार पूरभाजी क्षीरसागर कोळीकर, हदगाव जि. नांदेड, अपक्ष 14) डॉ. अशोक दत्तात्रय कोल्हे, कडबी मंडी जि.परभणी, अपक्ष 15) अशोक दत्ता हेमके, घनसावंगी, जि. जालना, अपक्ष 16) ॲड. अंबादास जाधव, शाहूनगर, जि. बीड, अपक्ष 17) कबाडी भागवत मदन, सेनगाव जि.हिंगोली, अपक्ष 18) किशोरकुमार प्रकाश शिंदे, दैठणा जि.परभणी, अपक्ष 19) केशव दादाराव तांदळे, राजुरी जि.बीड, अपक्ष 20) अब्दुल खालेद अब्दुल रशीद, दर्गा रोड जि. परभणी, अपक्ष 21) उगले गजानन रामनाथ, घनसावंगी जि.जालना, अपक्ष 22) घोटे सुशिल सुरेशराव, अहमदपूर जि.लातूर, अपक्ष 23) नरसिंह पांडुरंग घोणे, जि. लातूर, अपक्ष 24) नामदेव केरबा वाघमोडे, गोवर्धनवाडी जि. धाराशिव, अपक्ष 25) नारायण त्रिंबक सोन्नी, भोकरदन जि.जालना, अपक्ष 26) रमेश विनायकराव पाटील, दलालवाडी जि.छत्रपती संभाजीनगर, अपक्ष 27) बालाजी सरस्वती- रामचंद्र पाटील चाकूरकर, चाकूर जि. लातूर, अपक्ष 28) डॉ.भाऊसाहेब केशवराव झिरपे, माजलगाव जि. बीड, अपक्ष 29) ॲड. भारत आसाराम फुलारे, वाळूज जि. छत्रपती संभाजीनगर, अपक्ष 30) गंगाधरे भालचंद्र लक्ष्मण, शिवनगर जि. जालना, अपक्ष 31) मनीषा उर्फ मंदा खरात, वाळूज जि.छत्रपती संभाजीनगर, अपक्ष 32) इसा यासीन, कटकट गेट जि. छत्रपती संभाजीनगर, अपक्ष 33) ॲड. यशोनिल उत्तमराव मोगले, जि. नांदेड, अपक्ष 34) सर युसुफ खान हनीफ खान, दर्गा रोड, जि. परभणी, अपक्ष 35) राजेंद्र लक्ष्मणराव शिंदे शिंपाळकर, बिलोली जि.नांदेड, अपक्ष 36) डॉ. रोहित शिवराम बोरकर, सेनगाव जि.हिंगोली, अपक्ष 37) ॲड. विठ्ठल आबाराव कडवे, मिल कॉर्नर, जि. छत्रपती संभाजीनगर, अपक्ष 38) तळेकर विठ्ठल भुजंगराव, मानवत जि.परभणी, अपक्ष 39) विशाल छाया उद्धव नांदरकर, काबरा नगर, जि. छत्रपती संभाजीनगर, अपक्ष 40) आजम शेख, पोखर्णी जि.परभणी, अपक्ष 41) ॲड. ज्ञानोबा ईश्वर माने, कीर्ती हाऊसिंग सोसायटी, एन 8 सिडको, जि. छत्रपती संभाजीनगर, अपक्ष. 

२३ ऑक्टोबरला मतदान 

औरंगाबाद विभाग पदवीधर मतदारसंघासाठी २३ ऑक्टोबर २०२६ रोजी सकाळी ८ ते दुपारी ४ या वेळेत मतदान होणार आहे. मतमोजणी २७ ऑक्टोबर रोजी छत्रपती संभाजीनगर येथील एमआयडीसी, चिकलठाणा येथील वुडस्ट्रीम डेकर एलएलपी (Woodstrem Decar LLP) येथे होणार आहे. मतमोजणीसाठी ४४५ अधिकारी व कर्मचाऱ्यांची नियुक्ती करण्यात आली आहे.

***-***