स्वाभिमान क्रीडा मंडळाच्या रास दांडीयाचा चढतोय रंग...!

स्वाभिमान क्रीडा मंडळाच्या रास दांडियाचा चढतोय रंग... 

पारंपारिक वेशभूषेत तरुणाई ठरतेय लक्षवेधी ; दुर्गामातेचा जयघोष करत भक्तांची धमाल ; सिनेतारकांची राहणार उपस्थिती

छत्रपती संभाजीनगर(औरंगाबाद), दि.7(डि-24 न्यूज) गेली अठरा वर्ष अखंडरित्या शहरातील देवीभक्त तसेच दांडियापटूंच्या सहभागाने यशस्वीरित्या स्वाभिमान क्रीडा मंडळाच्या वतीने आयोजित एन-3 रास दांडिया उतरोत्तर रंगत असून पारंपारिक वेशभूषेत येणारी तरुणाई भारतीय संस्कृती आणि पपरंपरेचे दर्शन घडवत असल्याने हा रास दांडिया लक्षवेधी ठरत आहे. 

शिवछत्रपती महाविद्यालया समोरील गरबा मैदानावर आयोजित करण्यात आलेल्या या रास दांडियात सहाव्या माळीला (दि.7 ) सर्व दुर्गा भक्तांची मोठ्या प्रमाण गर्दी वाढतांना दिसून येत असल्याने या दांडियाची सर्वत्र चर्चा होत आहे. 

दुर्गा पुजनाने मान्यवरांच्या उपस्थितीतदररोज पारंपारिक पद्धतीने या रास दांडियाची सुरुवात होत असून आपली भारतीय संस्कृती येणाऱ्या प्रत्येक पिढीला माहित व्हावी व त्याचे अनुकरण व्हावे यासाठी प्रत्येकाला पारंपारिक वेशभूषा बंधनकारक करण्यात आली असल्याचे स्वाभिमान क्रीडा मंडळाचे संस्थापक अध्यक्ष यांनी सांगितले तर उपाध्यक्ष धनंजय अतकरे म्हणाले कि, दांडिया खेळण्यासाठी प्रत्येकाला प्रवेशिका देण्यात आल्या आहेत. मुख्य प्रवेशद्वाराजवळ तपासणी करूनच पारंपारिक वेशभूषा असणाऱ्यांना प्रवेश दिला जात आहे. तर उत्सव समितीचे अध्यक्ष समीर लोखंडे म्हणाले की, गरबा मैदानातील सर्व परिसरात महिला व मुलींसाठी विशेष सुरक्षा व्यवस्था करण्यात आली असून संपूर्ण परिसर सीसीटीव्हीच्या नियंत्रणात आहे. स्वाभिमान क्रीडा मंडळाचे दीडशेहून अधिक सदस्य संपूर्ण परिसरात विविध व्यवस्थापन करत आहे. या दांडियाच्या यशस्वीतेसाठी कार्याध्यक्ष राहुल बोरोले, सरचिटणीस जीवन रौंदळ, उपाध्यक्ष अभिजित खरात, निनाद खोचे, सचिव विक्रांत पंजाबी, प्रसिद्धी प्रमुख सचिन लिला सुखदेव अंभोरे, मुख्य व्यवस्थापक प्रदीप राठोड हे पुढाकार घेत आहेत. नवरात्र उत्सव साजरा करण्याचे हे आठरावे वर्ष असून गेल्या सतरा वर्षापासून एन-3 रास दांडियाचे उत्कृष्टरित्या आयोजन करण्यात येत आहे. यामुळे हा रास दांडिया मराठवाड्यातच नव्हे तर संपूर्ण महाराष्ट्रभर लोकप्रिय झालेला आहे. महिला, तरुण, तरुणींचा आम्हाला चांगला प्रतिसाद मिळत असून या रास दांडियाची चर्चा संपूर्ण मराठवाड्यात रंगत आहे. संदीप काळे यांची अद्ययावत ध्वनी व्यवस्था तसेच मनोज बोरा यांच्या सिध्दी डेकोरेटर्सच्या वतीने करण्यात आलेली आकर्षक स्टेज व्यवस्था हे या रास दांडियाचे मुख्य वैशिष्ट असून या उत्सवात नियमित खेळणा-या दांडियापटूंना विशेष वेशभुषा, बेस्ट स्टॅमिना, बेस्ट परफॉर्मर, उत्कृष्ट दांडियापटू, बेस्ट कपल ची निवड परिक्षकांद्वारे करुन मान्यवरांच्या हस्ते बक्षीस देण्यात येणार आहे. महाराष्ट्रातील प्रख्यात गायिका डॉ.प्रिया नरवडे, प्रा. संदीप चाबुकस्वार, कुणाल वराळे यांनी गायलेल्या व विजेंद्र मिमरोट, महेंद्र नरवडे, रूपक गवळी यांनी संगीत बद्ध केलेल्या तालावर तरुणाई दांडिया खेळण्याचा आनंद लुटत आहे. आगामी दिवसात चित्रपट, मालिका तसेच गीत संगीत क्रीडा क्षेत्रातील सेलीब्रेटीची उपस्थिती राहणार असून या नवरात्र उत्सवाचे हे विशेष आकर्षण राहणार आहे. रास दांडिया खेळणार्यात तसेच याठिकाणी भेट देणार्या प्रत्येकांसाठी खाद्य दालनांची व्यवस्था करण्यात आली असून या पारंपारिक रास दांडियात सहभागी होऊन रास दांडिया खेळण्याचे आवाहन स्वाभिमान क्रीडा मंडळाचे संस्थापक अध्यक्ष प्रमोद राठोड, उपाध्यक्ष धनंजय अतकरे, सचिव विशाल दाभाडे यांच्यासह नवरात्र उत्सव समिती अध्यक्ष समीर लोखंडे, कार्याध्यक्ष राहुल बोरोले, सरचिटणीस जीवन रौंदळ, उपाध्यक्ष अभिजित खरात, निनाद खोचे, सचिव विक्रांत पंजाबी, प्रसिद्धी प्रमुख सचिन लिला सुखदेव अंभोरे यांनी केले आहे. या नवरात्र उत्सवाच्या यशस्वीतेसाठी अमरसिंह ठाकुर, प्रदिप राठोड, अक्षय जगदाळे, गीताराम कांबळे, रऊफ पठाण, अमान पटेल, सीराज कुरेशी, गोरख राठोड, पंकज परदेशी, कृष्णा लोखंडे, अनिकेत थारयानी, गिरीश बांगर,नितेश टेकाळे, प्रशांत वावरे, विशाल जाधव, हरी जाधव, नितीन शेजूळ, संग्राम अतकरे, आशिष मार्गे, अरविंद सोनवणे, संतोष नागवे, संतोष उगलमुगले, योगेश गायसमुद्रे, प्रसाद महाजन, दिनेश जायभाये, अविराज चव्हाण, विशाल काकडे, देवर्षी पगार, यश काळे, विजय काळे, राहुल पवार, सुरज हिवराळे, हे पुढाकार घेत आहेत.