होम फायनान्स कंपनीकडून अभिनेता सिद्धार्थ जाजू 55 कोटींची वसुली करणार...!

अभिनेता-निर्माता सिद्धार्थ बी. जाजू 'पिरामल हाउसिंग फायनान्स' आणि

'आयसीआयसीआय होम फायनान्स'कडून 55 कोटींची वसुली करणार.

छत्रपती संभाजीनगर (औरंगाबाद), दि.21(डि-24 न्यूज)- बेकायदेशीरपणे माफियागिरी करणाऱ्या पिरामल बँकेविरुद्ध 50 कोटी रुपयांची नुकसानभरपाई आणि आयसीआयसीआय होम फायनान्सविरुद्ध 5 कोटी रुपयांच्या वसुलीचा खटला दाखल करण्याचा निर्णय सिद्धार्थ जाजू यांनी घेतला असून, त्यांच्या मालमत्तेपासून दूर राहण्याचा कायदेशीर सल्लाही दिला आहे. या टाऊनशिपच्या बांधकामातील विलंब आणि ताबा (possession) मिळण्यास झालेल्या उशिरासाठी बिल्डरविरुद्ध ग्राहक न्यायालयातही खटला दाखल आहे. बँक आणि बिल्डरच्या या दादागिरीला सिद्धार्थ जाजू यांनी आव्हान दिले असल्याची माहिती मंगळवारी (दि.21) आयोजित पत्रकार परिषदेत दिली.  

अधिक माहिती देतांना अभिनेते, निर्माते सिद्धार्थ जाजू म्हणाले कि, देशातील लॉकडाऊनमुळे अनेक दिग्गज, उद्योगपती आणि व्यापारी कोलमडले होते. अनेक कुटुंबे बेघर झाली आणि त्या दुर्घटनेतून अनेकजण सावरू शकले नाहीत. अशीच आयुष्य उद्ध्वस्त करणारी घटना प्रसिद्ध अॅक्शन हिरो सिद्धार्थ जाजू यांच्या आयुष्यात घडली. सिद्धार्थ यांनी आपली मालमत्ता (D-12 आणि D-14) एका व्यक्तीला विकली. आरोप आहे की, आयसीआयसीआय होम फायनान्सने याचे केवळ अर्धेच पैसे दिले आणि 1 कोटी रुपये थकवले. मे - डिसेंबर 2017 पैसे न मिळाल्यामुळे सिद्धार्थ यांनी बँकेला अनेकदा नोटीस पाठवली आणि विनंती केली की, जर ते पूर्ण पैसे देऊ शकत नसतील, तर एका मालमत्तेचे पैसे घेऊन दुसऱ्या मालमत्तेची मूळ कागदपत्रे (Original Documents) परत करावीत. बँकेने ना थकबाकी दिली, ना मालमत्तेची कागदपत्रे परत केली आणि 'मॉर्गेज एनओसी' (NOC) देखील दिली नाही. असे असूनही आयसीआयसीआय होम फायनान्सने बेकायदेशीर गहाणखत (Mortgage) तयार करण्याचा प्रयत्न केला.

कोविड-19 मुळे चित्रपट व्यवसाय ठप्प झाला होता, तरीही आरबीआयने कर्जदारांना 2 वर्षांची सवलत दिली होती. 20 डिसेंबर 2020 यावेळी सिद्धार्थ यांचा सिबिल (CIBIL) स्कोअर 765 (उत्कृष्ट) होता. त्यांना 3.80 कोटी रुपयांचे होम लोन टेकओव्हर आणि 7 कोटी रुपयांचे बिझनेस लोन (MSME) ऑफर झाले होते. या गुंतवणुकीतून चित्रपट आणि ओटीटीच्या माध्यमातून पुढील 2-3 वर्षांत 50 कोटी रुपयांच्या उत्पन्नाची शक्यता होती, ज्याद्वारे एसबीआयचे 10 कोटींचे कर्ज फेडून 15 कोटींची मालमत्ता मुक्त होणार होती. 1 जानेवारी 2021 कोणतीही पूर्वसूचना न देता, पिरामल बँकेने सिद्धार्थ यांच्या दोन बंगल्यांवर (D-2 आणि D-3) कथितपणे बेकायदेशीर ताबा मिळवला. या अचानक कारवाईमुळे सिद्धार्थ यांचा सिबिल रेकॉर्ड खराब झाला आणि त्यांची संपूर्ण आर्थिक योजना (50 कोटींचे संभाव्य उत्पन्न) कोलमडली. 13 मे 2022 डीआरटी कोर्टाने (छत्रपती संभाजीनगर) सिद्धार्थ यांच्या बाजूने निकाल दिला आणि पिरामल बँकेला मालमत्तेचा ताबा परत देण्याचे आदेश दिले. पिरामल बँकेने या निकालाविरुद्ध 'डीआरएटी' (DRAT) मुंबईत अपील केले, पण तिथेही त्यांना यश मिळाले नाही. 25 जुलै 2025 संभाजीनगर न्यायालयाने आपला जुना निकाल कायम ठेवत पिरामल बँकेला 'तातडीने' ताबा परत करण्याचे आदेश दिले जानेवारी 2026 प्रदीर्घ कायदेशीर लढाईनंतर, पिरामल बँकेने अखेर दोन्ही बंगल्यांचा ताबा सिद्धार्थ जाजू यांना परत केला. सध्या संभाजीनगरचे वरिष्ठ पोलीस अधिकारी बँकांच्या फसवणुकीच्या तक्रारींची चौकशी करत असून, लवकरच संबंधित अधिकाऱ्यांवर एफआयआर (FIR) दाखल होऊ शकतो. याशिवाय, बिल्डरविरुद्ध ग्राहक न्यायालयातही प्रकरण प्रलंबित आहे. सिद्धार्थ जाजू यांनी बँकांच्या विरोधात आता आक्रमक भूमिका घेतली असून बेकायदेशीरपणे माफियागिरी करणाऱ्या पिरामल बँकेविरुद्ध 50 कोटी रुपयांची नुकसानभरपाई आणि आयसीआयसीआय होम फायनान्सविरुद्ध 5 कोटी रुपयांच्या वसुलीचा खटला दाखल करण्याचा निर्णय सिद्धार्थ जाजू यांनी घेतला असल्याची माहिती पत्रकार परिषदेत स्पष्ट केली.