अॅड प्रकाश आंबेडकर यांचा उद्यापासून झंझावती प्रचार दौरा, उद्या आमखास मैदानावर जाहीर सभा

अॅड प्रकाश आंबेडकर यांचा उद्यापासून झंझावती प्रचार दौरा, उद्या आमखास मैदानावर जाहीर सभा

छत्रपती संभाजीनगर(औरंगाबाद), दि.15(डि-24 न्यूज) उद्या शुक्रवार, 16 नोव्हेंबर पासून वंचित बहुजन आघाडीचे सर्वेसर्वा अॅड प्रकाश आंबेडकर यांचा राज्यात प्रचारासाठी झंझावती दौरा सुरू होणार आहे. आजारी असल्याने ते आतापर्यंत प्रचारात उतरले नव्हते. परंतु आता प्रकृती चांगली असल्याने उद्यापासून प्रचार दौरा सुरू होत असल्याने कार्यकर्त्यांमध्ये उत्साह संचारला आहे. उद्या सायंकाळी पाच वाजता ऐतिहासिक आमखास मैदानावर वंचित बहुजन आघाडीच्या उमेदवारांंच्या प्रचारार्थ भव्य जाहीर सभेला ते संबोधित करणार आहे. राज्यात 288 जागेवर वंचितचे उमेदवार मैदानात आहे. अशी माहिती जिल्हाध्यक्ष योगेश बन यांनी दिली आहे.

उद्या सकाळी 11 वाजता रावेर, दुपारी 12 वाजता भुसावळ, दुपारी 1 वाजता धुळे, दुपारी 2 वाजता मालेगाव, दुपारी 3 वाजता श्रीगोंदा, सायंकाळी छत्रपती संभाजीनगर(औरंगाबाद) येथे आंबेडकर जाहीर सभेला संबोधित करतील.