उद्यापासून रोशनगेट ते कटकट गेट रस्त्याचे काम सुरू होणार, प्रशासक जी श्रीकांत यांनी दिले आदेश

रोशन गेट ते कटकट गेट रस्त्याचे काम उद्या पासून सुरु होणार – मा.खासदार इम्तियाज जलील

छ.संभाजीनगर(औरंगाबाद), दि.12(डि-24 न्यूज) आज मा.खासदार इम्तियाज जलील यांनी मनपा प्रशासक जी.श्रीकांत यांची भेट घेवुन शहरातील विविध प्रकल्प व कामा संदर्भात सविस्तर चर्चा केली. तसेच रोशन गेट ते कटकट गेट रस्ता, बायजीपुरा येथील रहिमा मस्जिद समोरील रस्ता आणि नारेगाव येथील अपूर्ण रस्त्याचे काम सुरू करण्याचे मा. खासदार इम्तियाज जलील यांनी सूचना दिल्या.

रोशन गेट ते कटकट गेट रस्त्याचे अनेक वर्षापासून काम प्रलंबितच होते. या रस्त्याची अक्षरश: चाळणी झाली होती. वाहनचालकांना व रहिवाशांना रहदारी करताना अनेक समस्यांचा सामना करावा लागत होता. या रस्त्याचे काम लवकरात लवकर सुरु करण्यात यावा या करिता अनेक स्थानिक नागरीकांनी मा.खासदार जलील यांची भेट घेवून त्यांना होणार्‍या अडचणींची व्यथा मांडली होती.

          त्याअनुषंगाने मा. खासदार जलील यांनी प्रशासक जी.श्रीकांत यांना सबब रस्त्यासंदर्भात सविस्तर चर्चा केली. नागरीकांना होणार्‍या नाहक त्रासाची माहिती देऊन त्वरीत काम सुरु करण्याचे सुचना केल्या.

प्रशासक जी.श्रीकांत यांनी रस्त्याचे गांभीर्य ओळखुन उद्या पासून रोशन गेट ते कटकट गेट रस्त्याचे काम सुरु करण्याचे आदेश संबंधितांना दिले. यामुळे आता स्थानिक नागरीकांना अनेक दिवसापासून होणारे त्रास व समस्यांचे आता निराकरण होणार आहे.