राष्ट्रवादीचे शहराध्यक्ष अभिजित देशमुख यांच्या यशस्वी कार्यकाळाचा सन्मान सोहळा...

छत्रपती संभाजीनगर (औरंगाबाद), दि.26(डि-24 न्यूज) -

राष्ट्रवादी अजित पवार गटाचे शहराध्यक्ष अभिजित देशमुख यांचा शहराध्यक्ष पदाचा दोन वर्षांचा कार्यकाळ यशस्वीपणे पुर्ण केला. पक्षसंघटना मजबुत केली. नवीन कार्यकर्ते जोडले. युवकांना पक्षात स्थान दिले. जनसामान्यांचे प्रश्न सरकारच्या वतीने सोडवण्यासाठी प्रयत्न करत आहे. आगामी महापालिका निवडणुकीच्या तयारीसाठी जोरदार तयारी करत असल्याने पक्ष नेतृत्व त्यांच्यावर विश्वास ठेवल्याने यशाची घोडदोड पुढेही सुरु ठेवण्यासाठी ते प्रयत्न करत आहे. कार्यकर्त्यांमध्ये पक्ष संघटना मजबुत करत आत्मविश्वास त्यांनी निर्माण केला म्हणून परिवर्तनाचा निर्धार संवाद मेळाव्यात कार्यकर्त्यांना एकजुट होण्याचे आवाहन केले. अभिजित देशमुख यांचे यशस्वी नेतृत्व व कार्य बघून पदाधिका-यांनी त्यांचा सन्मान करत सत्कार केला. कार्यक्रमाचे आयोजन पश्चिमचे शहराध्यक्ष विनोद जाधव यांनी केले.

यावेळी शहर कार्याध्यक्ष शेख कय्यूम अहेमद, माजी अध्यक्ष नागेश भालेराव, अल्पसंख्यांक जिल्हाध्यक्ष असद पटेल, माजी नगरसेविका सौ.अंकिताताई विधाते, कविताताई शिंदे, पांडुरंग कसबे, हितेश चव्हाण, जाफर पठाण, वार्ड अध्यक्ष इम्रान शेख, विशाल शेजवळ, दिलीप हिवाळे यांच्यासह पदाधिकारी व कार्यकर्ते मोठ्या संख्येने उपस्थित होते.