मालमत्ताधारकांच्या डोळ्यात अश्रू, नक्षत्रवाडी ते रेल्वेस्टेशन ब्रीज 362 अतिक्रमण भुईसपाट

नक्षञवाडी ते रेल्वे स्टेशन ब्रीज दरम्यान केलेल्या कारवाईत एकूण 362 अतिक्रमण काढले

 उद्या कारवाई नाही, वाहूळे

रेल्वेस्टेशन ब्रीज जवळ अतिक्रमण काढताना मालमत्ताधारकांच्या डोळ्यात अक्षरशः डोळ्यात अश्रू आले, कार्यवाईत बाधा आणणा-यांना जवान व पोलिसांनी बुलडोझर च्या बाजूला लोटले, या कार्यवाईत शेकडो व्यावसायिकांचा रोजगार हिरावून घेतला, दुकानातील सामान काढण्यासाठी वेळ दिला नसल्याचा आरोप मालमत्ताधारकांनी केला.‌..

छत्रपती संभाजिनगर (औरंगाबाद), दि.1(डि-24 न्यूज) महानगरपालिका आयुक्त तथा प्रशासक जी श्रीकांत यांच्या आदेशानुसार आणि नियंत्रण अधिकारी अतिक्रमण विभाग संतोष वाहुळे यांच्या उपस्थितीत मनपा हद्द नक्षञवाडी ते रेल्वे स्टेशन ब्रीज दरम्यान केलेल्या कारवाईत एकूण 362 एवढी पक्की आणि कच्ची बांधकामे ज्यामध्ये हॅाटेल, लॅाज, दुकाने, शेड, कंपाऊंड, ओटे, गॅरेज, वॅाशिंग सेंटर, कमान, जाहिरात फलक,इ. निष्कासित करण्यात आले आहेत.

सदर कारवाई मध्ये महानगरपालिकेच्या 200 अधिकारी व कर्मचाऱ्यांचा तर पोलीस विभागाचे 150 अधिकारी व कर्मचाऱ्यांचा समावेश होता.

या कारवाईसाठी 10 जेसीबी, 2 पोकलॅन, 10 टिप्पर, 2 रूग्णवाहिका, 2 कोंडवाडा वाहने, 2 अग्निशमन बंब, 2 इलेक्ट्रिक हायड्रॅालीक वाहने इ. वाहनांचा समावेश होता.

सदरील कारवाई मध्ये नगररचना विभागाचे उप संचालक मनोज गर्जे, यांञिकी विभागाचे अमोल कुलकर्णी, सहायक पोलीस आयुक्त रणजीत पाटील, अतिक्रमण उपायुक्त सविता सोनवणे, सहाय्यक आयुक्त अर्जून गिराम, प्राजक्ता वंजारी, अर्चना राजपूत, रमेश मोरे, संजय सुरडकर, अशोक गिरी, सय्यद समीउल्लाह,भारत बिरारे, राहूल जाधव, नईम अन्सारी 

इमारत निरीक्षक कुणाल भोसले, शिवम घोडके, सागर श्रेष्ठ, तृप्ती जाधव, सय्यद मजहर अली, नगररचना विभागाचे सौरभ साळवे, सूरज संवडकर, राहूल, शिवाजी लोखंडे व नागरी मित्र पथकाचे प्रमोद जाधव हे कर्मचारी उपस्थित होते.

उद्या कारवाई नाही...

उद्या दि. 2 जुलै रोजी पुरता अतिक्रमण निर्मूलनाची कारवाई होणार नाही, अशी माहिती श्री वाहूळे यांनी दिले आहे.