शहरात 5 अनधिकृत मांस विक्री दुकानांवर कारवाई, 200 किलो मांस व इतर साहित्य जप्त...

झोन एक मध्ये 5 अनधिकृत मांस विक्री दुकानांवर कारवाई

200 किलो मांस व इतर साहित्य जबत...

छत्रपती संभाजीनगर (औरंगाबाद), दि. 14(डि-24 न्यूज)- महानगरपालिका आयुक्त तथा प्रशासक जी श्रीकांत आणि पोलीस आयुक्त प्रवीण पवार यांच्या आदेशानुसार आणि अतिक्रमण नियंत्रण अधिकारी संतोष वाहूळे यांचे मार्गदर्शनाखाली आज दि. 14 ऑक्टोबर रोजी झोन क्र.01अंतर्गत मांस विक्री करणाऱ्या दुकानांची तपासणी करण्यात आली. 

सदर कारवाई मध्ये एकूण 27 दुकानांची तपासणी करण्यात आली त्यापैकी महानगरपालिकेचे नाहरकत प्रमाणपत्र, मनपाची परवानगी नसलेल्या एकूण 5 दुकानधारकावर दंडात्मक कारवाई करण्यात आली. तसेच सदर कारवाईमध्ये अनधिकृतपणे मांस विक्री करणाऱ्या दुकानातून 200 किलो मांस व इतर साहित्य जप्त करण्यात आले.

सदर कारवाई मनपा पशुधन अधिकारी डॉ.शेख शाहेद, सहाय्यक आयुक्त (अतिक्रमण) संजय सुरडकर, पोलीस मुख्यालय येथील उप पोलीस निरीक्षक सोनगिरे व पोलीस कर्मचारी, इमारत निरीक्षक रविंद्र देसाई, संदिप काकनाटे व पशुधन कर्मचारी इत्यादी मार्फत करण्यात आली.

पडेगाव येथील महापालिकेच्या कत्तल खाना असून शहरातून अनेक ठिकाणी जनावरांची कत्तल होत आहे, असे निदर्शनास आल्यानंतर जी श्रीकांत आणि प्रवीण पवार यांनी अवैध रितीया सुरू असलेल्या कत्तल खाने आणि अनधिकृत पणे उघड्यावर किंवा परवाना ना घेता मांस विक्री करणारे दुकाने व व्यवसायिक विरुद्ध कारवाई करण्याचे निर्देश दिले आहेत. यानिमित्त शहरात आशा प्रकारचा सर्व मांस खरेदी विक्रीच्या ठिकाणांचे कागदपत्रे तपासण्यात येत आहे आणि अनधिकृत दुकानांवर कारवाई करण्यात येत आहे.