गंगापूर, लासूर स्टेशन येथे उघड्यावर मांस विक्री करणाऱ्या 12 दुकानांवर कारवाई...!

गंगापूर, लासूर स्टेशन येथे उघड्यावर मांस विक्री करणार्‍या 12 दुकानांवर अन्न व औषध प्रशासन विभागाची कारवाई...

छत्रपती संभाजीनगर (औरंगाबाद),दि.3(डि-24 न्यूज)- गंगापूर व लासूर स्टेशन येथे उघड्यावर मांस विक्री करणाऱ्या 12 दुकानांवर कारवाई करण्यात आली. 

यापैकी अन्न व औषध प्रशासन विभागाच्या पथकाने गंगापूर येथील 5 आणि लासूर स्टेशन येथील 1, अशा 6 विनापरवाना चालविण्यात येणाऱ्या दुकानांना सील ठोकण्यात आले.

सहआयुक्त श्रीकांत करकळे आणि सहायक आयुक्त दयानंद पाटील यांच्या मार्गदर्शनाखाली प्रज्ञा सुरसे, प्रशांत अजिंठेकर व कर्मचारी, स्थानिक प्रशासन व आरोग्य विभागाच्या संयुक्त पथकाने गुरूवारी गंगापूर व लासूर स्टेशन येथील मांस विक्री करणाऱ्या गंगापूर येथील 8 आणि लासूर स्टेशन येथे 4 अशा एकूण 12 दुकानांची तपासणी केली. तेव्हा गंगापूर येथे विनापरवाना मांसविक्री करणारे 5 आणि लासूर स्टेशन येथील एका दुकानाला सील लावण्यात आले. स्थानिक प्रशासनाचे ना हरकत प्रमाणपत्र असल्याशिवाय अन्न विभागाचा परवाना मिळणार असल्याचे यावेळी पथकातील अधिकाऱ्यांनी दुकानदारांना सूचना दिली.