चला पदवीधर मतदार होऊ या - इंजिनिअर शेख इफ्तेखार

औरंगाबाद विभाग पदवीधर मतदारसंघासाठी मतदार नोंदणी करण्याचे इंजिनिअर शेख इफ्तेखार यांचे आवाहन...

इंजि. इफ्तेखार शेख यांचे आवाहन — “चला, पदवीधर मतदार होऊ या!”

छत्रपती संभाजीनगर (औरंगाबाद), दि.14(डि-24 न्यूज):- भारत निर्वाचन आयोगाच्या निर्देशानुसार औरंगाबाद विभागातील पदवीधर मतदारसंघासाठी मतदार नोंदणी अभियानास प्रारंभ झाला आहे.

यापूर्वी झालेल्या निवडणुकीतील सर्व नोंदणी रद्द झाल्यामुळे पुन्हा नव्याने नोंदणी करणे आवश्यक आहे. या नोंदणीसाठी उमेदवार सन 2022-23 पर्यंतच्या कोणत्याही विद्यापीठाचा पदवीधर असणे गरजेचे आहे.

मराठवाड्यातील छत्रपती संभाजीनगर(औरंगाबाद), जालना, परभणी, हिंगोली, नांदेड, लातूर, धाराशिव(उस्मानाबाद) आणि बीड जिल्ह्यातील पदवीधर नागरिकांना ही नोंदणी लागू आहे.

नोंदणीसाठी आवश्यक कागदपत्रे पुढीलप्रमाणे आहेत 

आयडी साईज रंगीत फोटो

 आधार कार्ड व मतदान कार्ड

पदवी (डिग्री) प्रमाणपत्र / समकक्ष डिप्लोमा प्रमाणपत्र / अंतिम वर्षाची गुणपत्रिका

नावात बदल असल्यास राजपत्र (गॅझेट), विवाह नोंदणी प्रमाणपत्र किंवा पॅनकार्ड

हे सर्व कागदपत्रे फॉर्म क्रमांक 18 सोबत संबंधित तहसिल कार्यालयात जमा करणे आवश्यक आहे.

नोंदणीसाठी 1 ऑक्टोबर 2025 ते 6 नोव्हेंबर 2025 ही मुदत निश्चित करण्यात आली आहे.