भारतनगरमध्ये अतुल सावे यांच्या प्रचारार्थ पदयात्रा

महायुतीचे उमेदवार श्री अतुल सावे यांची विजय संकल्प पदयात्रा  

भारतनगरमध्ये अतुल सावे यांचा भव्य प्रचार

छत्रपती संभाजीनगर(औरंगाबाद), दि.6(डि-24 न्यूज) : आगामी निवडणुकांसाठी मतदारसंघात जोरदार प्रचार सुरू असून, छत्रपती संभाजीनगर पूर्व मतदारसंघातील भाजपा-शिवसेना-राष्ट्रवादी काँग्रेस-आरपीआय (आ)-मित्रपक्ष महायुतीचे उमेदवार अतुल मोरेश्वर सावे यांच्या प्रचारार्थ बुधवारी भारतनगरमध्ये भव्य पदयात्रा काढण्यात आली. या पदयात्रेला ढोल-ताशांचा गजर, फटाक्यांची आतषबाजी आणि कार्यकर्त्यांचा जल्लोष यांची भरभरून साथ मिळाली.

मेहरसिंग नाईक विद्यालय येथून सुरू झालेली ही पदयात्रा वार्ड क्रमांक 113 भारतनगरातील विविध भागातून पार पडली. पदयात्रेच्या मार्गात ना. सावे यांनी मतदारांशी संवाद साधत आपल्या भागातील प्रगतीचे वचन दिले आणि जनतेला विश्वास दिला की, महायुतीच्या माध्यमातून विकासाची गती अजून वाढवली जाईल. या वेळी महायुतीचे पदाधिकारी, कार्यकर्ते आणि स्थानिक नागरिक मोठ्या संख्येने उपस्थित होते.

यात महायुतीच्या इतर घटक पक्षांच्या नेत्यांनीही सहकार्य देत एकात्मतेचा संदेश दिला आणि समर्थकांनी मतदारांमध्ये उत्साह निर्माण केला. महायुतीची ही ताकद पाहता या निवडणुकीत अतुल सावे यांना प्रचंड मतांनी विजय मिळणार अशी अपेक्षा कार्यकर्त्यांनी व्यक्त केली आहे.

या प्रसंगी राजेंद्र जंजाळ, शिवाजी दांडगे, लक्ष्मीकांत थेठे, जालिंदर शेंडगे, नागेश भालेराव, विशाल पुंड, विवेक राठोड, महेश माळवतकर, ताराचंद गायकवाड, वामनराव शिंदे, सागर राऊत, सागर प्रसाद, पियूष साळवे, शिल्पा भोसले, अंजली वडजे, माधुरी साळुंके, ऋषिकेश पाटील, राम पंडित,बालाजी मुंडे, रामेश्वर दसपुते, सुधीर केंद्रे, श्रीकांत घुले, महेश राऊत, यांच्या सह मोठ्या प्रमाणावर महायुतीचे पदाधिकारी कार्यकर्ते आणि नागरिकांची उपस्थिती होती.