इब्राहीम पटेल जिल्हा परिषद निवडणुकीच्या मैदानात उतरणार...?

इब्राहीम पटेल जिल्हा परिषद निवडणुकीच्या मैदानात उतरणार...?

छत्रपती संभाजीनगर (औरंगाबाद), दि.16(डि-24 न्यूज)- जिल्हा परिषद सार्वत्रिक निवडणूक- 2025 साठी आरक्षणाची सोडत कार्यक्रम संपन्न झाल्यानंतर इच्छूकांनी आपला मोर्चा मतदार संघाकडे वळवला आहे. छत्रपती संभाजीनगर(औरंगाबाद) तालुक्यातील सावंगी गटातून काँग्रेसचे किराडपुरा येथील माजी नगरसेवक इब्राहीम पटेल यांनी ग्रामीण भागाकडे आपला मोर्चा वळवला आहे. सावंगी गट ओबीसासाठी राखीव झाल्याने काँग्रेसकडून हि निवडणूक लढण्यास ते इच्छुक असल्याचे सोशलमिडीया पोस्ट वरुन कार्यकर्त्यांमध्ये चर्चा सुरू झाली आहे. गेली 25 वर्षांपासून काँग्रेसचा झेंडा खांद्यावर घेऊन अविरत सामाजिक कार्य करत आहे. सावंगी गट हा पारंपरिक काँग्रेसचा गड असल्याने व पक्षातील शहर व ग्रामीण भागातील वरिष्ठ नेत्यांशी सुसंवाद आणि शासकीय योजनांचा व राजकीय तगडा अनुभव असल्याने पक्षाच्या वतीने मतदारांची सेवा करण्याची व सावंगी गटाच्या विकासासाठी पक्ष संधी देईल असा विश्वास व्यक्त करत मतदारांच्या भेटीगाठी सुरू केल्या आहेत. जिल्हा परिषदेच्या निवडणुकीच्या मैदानात उतरण्याचा ठाम निर्णय त्यांनी सावंगी गटातील मतदारांच्या आशिर्वादाने घेतला असल्याचे त्यांनी सांगितले. मतदार संघाचा विकास हाच ध्यास घेऊन ते हि निवडणूक लढण्यास इच्छुक असल्याचे त्यांनी सांगितले.