विजेच्या स्मार्ट मिटर बसवण्याच्या विरोधात पुन्हा भाकपाने केली तीव्र निदर्शने...

स्मार्ट मीटर भाजप सरकारच्या आदेशानेच..

मुख्यमंत्र्यांनी खोट बोलणे बंद करावे... भाकपचे आवाहन 

स्मार्ट मीटर व वीज दर वाढी विरोधात भाकपचे सातत्य ! 

मुख्यमंत्र्यांच्या खोटारडेपणाचा निषेध करीत निदर्शने... !  

दिनांक 5 नोव्हेंबर 2025 बुधवार रोजी पुन्हा निदर्शने करणार !

छत्रपति संभाजीनगर (औरंगाबाद),दि.1(डि-24 न्यूज)- दर महिन्याच्या पहिल्या बुधवारी ठरल्याप्रमाणे आज भारतीय कम्युनिस्ट पक्षाने महावितरण जुबली पार्क कार्यालयासमोर स्मार्ट मीटर व वीज दरवाढी विरोधात तीव्र निदर्शने केली. स्मार्ट मीटर हे भाजप सरकारच्या आदेशानेच लावले जात आहेत याबाबत कुठलाच संभ्रम नसल्याचे भारतीय कम्युनिस्ट पक्षाने म्हटले आहे. 

काही लोक मुद्दामहून लोकांमध्ये संभ्रम निर्माण करण्याचा प्रयत्न करीत आहेत. स्मार्ट मीटर लावण्याची भाजप सरकारचा संबंध नाही असा संभ्रम निर्माण केला जात आहे. तर भाजपा सरकारच्या आदेशाने दिलेल्या कंत्राटाद्वारे अदानी ,मोंटे कार्लो ,एनसीसी या भारतीय कंपन्या सरकारच्या परवानगीने लावत आहेत. त्यामुळे भोळ्या जनतेने स्वतःची फसवणूक करून न घेता स्मार्ट मीटर हे महाराष्ट्र व केंद्र सरकारच्या आदेशानेच लावले जात आहेत हे ध्यानात घ्यावे असे आवाहन भारतीय कम्युनिस्ट पक्षातर्फे आज पुन्हा एकदा महावितरण कार्यालयासमोर निदर्शने करून स्पष्ट करण्यात आले. कोणत्याही महावितरण कार्यालयात चौकशी केल्यास सरकारच्या आदेशानेच हे सुरू असल्याचे जनतेला स्पष्ट होईल. 

 लोकांचा विरोध असतांना जबरदस्ती व गुपचूप स्मार्ट मीटर लावू नका या मागणीसाठी भारतीय कम्युनिस्ट पक्षाने सह व्यवस्थापकीय संचालक महावितरण जुबली पार्क , कार्यालयासमोर निदर्शने केली. 

  स्मार्ट मीटर लावले जाणार नाहीत असे मुख्यमंत्री देवेंद्र फडणवीस म्हणाले असले तरी प्रत्यक्षात मात्र गुपचूप व जबरदस्तीने स्मार्ट मीटर लावण्याचा धडाका महावितरण ने लावला आहे. त्यामुळे मुख्यमंत्र्यांच्या खोटारडेपणाचा निषेधही या निदर्शनात करण्यात आला. ठिकठिकाणी स्मार्ट मीटरला विरोध होत असतानाही जबरदस्तीने स्मार्ट मीटर लावले जात आहेत. अनेक ठिकाणी 

लोक स्मार्ट मीटर लावणाऱ्या कंपनीच्या लोकांना हाकलून देत आहेत. भारतीय कम्युनिस्ट पक्षाने ठरविल्याप्रमाणे प्रत्येक महिन्याच्या पहिल्या बुधवारी सकाळी 10 वाजता निदर्शने केली जात आहेत. 

 एनसीसी कंपनीचे कंत्राट रद्द करावे , जबरदस्ती व गुपचूप लावलेले स्मार्ट मीटर तत्काळ काढून घ्यावे व त्या ठिकाणी जुने मीटर लावावे यावेळी इतर मागण्यांचे निवेदन देण्यात आले.

त्यावेळी प्रचंड घोषणाबाजी करण्यात आली. पुन्हा दि. 5 नोव्हेंबर 2025 बुधवार रोजी सकाळी 10 वाजता पुन्हा निदर्शने करण्यात येतील असाही निर्णय घेण्यात आला. स्मार्ट मीटर व वीज दरवाढी विरोधात आंदोलनात येणे किंवा लाखो रुपयांचे वीज बिल भरणे यापैकी एक पर्याय लोकांना निवडावा लागणार आहे त्यामुळे पहिला पर्यायच लोकांनी निवडून प्रत्येक महिन्याच्या पहिल्या बुधवारी सकाळी दहा वाजता जुबली पार्क येथील कार्यालयासमोर निदर्शनात सहभागी व्हावे असे आवाहन भाकपाने केले आहे. 

 निवेदनात या मागण्या करण्यात आल्या...

 छत्रपती संभाजीनगरच्या कैलासनगर , दादा कॉलनी , शंभू नगर , भावसिंगपूरा, वाळूज , एकता नगर, बीड बायपास व शहरातील इतर भागात गुपचुप व जबरदस्तीने लावलेले स्मार्ट मिटर तातडीने काढून घ्या व पूर्वीचे जुने मिटर तात्काळ लावा.

 छत्रपती संभाजीनगरच्या लोकांची परवानगी नसतांना चलाखी करुन , गुपचुप तसेच अनेकांचे फॉल्टी मिटर नसतांना फॉल्टी मिटरच्या नावाखाली जुने मिटर घेवुन जायचे आणि बदमाशीने स्मार्ट मिटर लावायचे तसेच नविन कनेक्शन देत असतांनाही जबरदस्तीने जुन्या पध्दतीचे मिटर नाहीत असे सांगुन स्मार्ट मिटरच घ्यावे लागेले अशी हुकुमशाही , जबरदस्ती करुन स्मार्ट मिटर जनतेला लुटण्यासाठी लावायचे हा प्रकार थांबला पाहीजे व ज्या ठिकाणी अशा पध्दतीने स्मार्ट मिटर लावले आहेत ते तातडीने काढुन घेतले पाहीजे.

छत्रपती संभाजीनगरच्या सरकारी कार्यालये व सरकारी निवासस्थानावर लावलेले स्मार्ट मिटरही तातडीने काढुन घेतले पाहीजे.

टीओडी पध्दतीची वीज नियामक आयोगांनी केस नंबर 217/2024 अंतर्गत मंजूर केलेली छुपी व प्रचंड प्रमाणातील वीज दरवाढ कायमची रद्द करा.

एप्रिल 2024 च्या वीजदरापेक्षाही अर्ध्यापेक्षा कमी वीज दर करा.

मराठवाडयावर अन्याय करणारी छत्रपती संभाजीनगरची भेदभाव पूर्ण लोड शेडींग बंद करा.

सेक्यूरिटी डिपॉझीटच्या नावाने करत असलेली लूट बंद करा.

स्मार्ट मीटरचे कंत्राट रद्द करा.

स्मार्ट मीटर विजेच्या धक्क्यामुळे जखमी आचल अस्वले वय आठ वर्ष हीच एक कोटी रुपये नुकसान भरपाई द्या.

या मागण्यांचा समावेश आहे . . 

 याबाबत विविध पक्ष संघटनांची कृती समिती करून कार्यकर्त्यांची कार्यशाळा घेण्याचाही निर्णय घेण्यात आला. 

 यावेळी भाकप राज्य कौन्सिल सदस्य व शहर सेक्रेटरी ॲड . अभय टाकसाळ , कॉम्रेड जफर फजलू रहमान, कॉ. राजू हिवराळे, कॉ रफीक बक्श , मधुकर गायकवाड, किरण साळवे, एजाज शेख, लाल बावटा रिक्षा युनियन चे शेख अमजद शेख पाशु, शेख फेरोज, 

 अतिश दांडगे, अभिजित बनसोडे , उमेश इंगळे, सय्यद मकसूद अली, शेख नुर , संतोष काळे, , शेख वसीम शेख सिकंदर, शेख इस्माईल, 

यांच्यासह अनेक नागरिक उपस्थित होते.