औरंगाबाद पूर्वचा काँग्रेसने उमेदवार बदलला, ओबीसी नेते लहु एच शेवाळेंना लाॅटरी...!

औरंगाबाद पूर्व मतदारसंघातील काँग्रेसने उमेदवार बदलला, ओबीसी चेहरा लहु शेवाळेंना लाॅटरी

छत्रपती संभाजीनगर(औरंगाबाद), दि.27(डि-24 न्यूज) काँग्रेस कार्यकर्त्यांची नाराजी दुर करण्यासाठी औरंगाबाद पूर्व विधानसभा मतदारसंघातून उमेदवार बदलण्याची नामूष्की काँग्रेसवर आली आहे. जालन्याचे खासदार तथा जिल्हाध्यक्ष डॉ.कल्याण काळे यांचे विश्वासू ओबीसी नेते, नवीन चेहरा लहु एच शेवाळे यांना उमेदवारी दिली आहे. या मतदारसंघातून कालच एम.के.देशमुख यांना उमेदवारी जाहीर करण्यात आली. त्यांनी प्रचाराला सुरुवात केली होती. कार्यकर्त्यांनी त्यांना उमेदवारी दिली म्हणून गांधी भवन समोर ठिय्या दिला होता त्यानंतर आज उमेदवार बदलला. काँग्रेसने या मतदारसंघातून शेवटपर्यंत मुस्लिम उमेदवार देणार असल्याचे आश्वासन दिले होते तेही पाळले गेले नाही यामुळे मुस्लिम समाजात नाराजी आहे. मुस्लिम मते एमआयएम कडे वळतील अशी या मतदारसंघाची परिस्थिती निर्माण झाली आहे. ती नाराजी दूर करण्यासाठी काँग्रेस काय प्रयत्न करणार. काँग्रेसने उमेदवार बदलला पण पुन्हा नवखा चेहरा दिला त्यांनाहि कोणी ओळखत नाही अशी प्रतिक्रिया काँग्रेस कार्यकर्त्यांकडून नाव न सांगता येत आहे. म्हणून भाजपाचे नेते माजी केंद्रीय मंत्री रावसाहेब दानवे यांनी औरंगाबाद पूर्वचे भाजपाचे उमेदवार अतुल सावे यांच्या प्रचार कार्यालयाचे उद्घाटन करतांना सांगितले आमचा मुकाबला या मतदारसंघात थेट एमआयएमचे इम्तियाज जलील यांच्याशी आहे. अशी परिस्थिती काँग्रेसने या मतदारसंघाची करुन ठेवली अशी चर्चा राजकीय वर्तुळात या मतदारसंघात आहे. या मतदारसंघातून काँग्रेसचे जेष्ठ नेते इब्राहिम पठाण, डॉ.जफर अहेमद खान, डॉ.सरताज पठाण यांना डावलण्यात आल्याने मुस्लिम समाजात नाराजी आहे

.