काँग्रेसने स्वातंत्र्यसैनिकांचा केला सत्कार

काँग्रेसने स्वातंत्र्यसैनिकांचा केला सत्कार... 

औरंगाबाद, दि.17(डि-24 न्यूज) गेल्या पाच दिवसांपासून स्वातंत्र्यसैनिक आपल्या प्रलंबित मागण्यांबाबत विभागीय आयुक्त कार्यालयावर सलग उपोषणास बसले होते. महाराष्ट्र काँग्रेस कमिटीचे प्रदेशाध्यक्ष तथा आ.नानाभाऊ पटोले यांच्या सूचनेनुसार जिल्हा काँग्रेस कमिटीचे अध्यक्ष डॉ. कल्याण काळे व शहराध्यक्ष शेख युसूफ यांनी उपोषणस्थळी भेट देऊन काँग्रेसच्या प्रलंबित मागण्यांना सरकार लवकरात लवकर पूर्ण करावे यासाठी पाठिंबा दिला. शनिवारी सायंकाळी 6.30 वाजता पक्ष कार्यालय गांधी भवन शहागंज येथे स्वातंत्र्यसैनिकांच्या पत्नीसह सर्व स्वातंत्र्यसैनिकांचा त्यांच्या कुटुंबीयांसह सत्कार करण्यात आला. यावेळी स्वातंत्र सैनिक उत्तराधिकारी संघटनेचे अध्यक्ष भाऊसाहेब सर्जेराव साळुंके, आप्पासाहेब शिंदे यांच्यासह संस्थेचे प्रमुख पदाधिकारी उपस्थित होते.

याप्रसंगी काँग्रेसचे जिल्हाध्यक्ष डॉ. कल्याण काळे, औरंगाबाद शहर जिल्हा काँग्रेस कमिटीचे अध्यक्ष शेख युसूफ, किरण पाटील डोणगावकर, रविद्र काळे, भाऊसाहेब जगताप, डॉ.अरुण शिरसाठ, अनीस पटेल, राहुल सावंत, कल्याण चव्हाण, शेख कॅन्सर बाबा, रवी लोखंडे, असमत खान, सय्यद फय्याजोदीन, मंजू, डॉ. लोखंडे, सूर्यकांत गरड पाटील, सरोज मसलगे, सुनील जाधव, मोईन शेख, प्रा. शिलवंत गोपनारायण, सलीम खान आदी अधिकारी व कार्यकर्ते मोठ्या संख्येने उपस्थित होते.