घाणीशी नातं तोडून स्वच्छतेशी नाते जोडूया... स्वच्छता अभियानात तिसऱ्या दिवशीही उत्स्फूर्त प्रतिसाद...!

घाणीशी नातं तोडून स्वच्छतेशी मित्रता...

महास्वच्छता अभियानाच्या तिसऱ्या दिवशी नागरिकांच्या उत्स्फूर्त प्रतिसाद...

छ. संभाजीनगर(औरंगाबाद), दि.3(डि-24 न्यूज) महानगरपालिका यांनी शहरातील नागरिकांसोबत हात मिळवणी करुन शहर स्वच्छ करण्यासाठी व नागरिकांना चांगल्या सवयी लागण्यासाठी ऑगस्ट 1 ते 15 महास्वच्छता अभियान - एक तास शहरासाठी हे हाती घेतले आहे. शनिवारी 03 ऑगस्ट 2024 रोजी मोठ्याप्रमाणे, नागरिकांनी, महाविद्यालय, शाळा, खाजगी आस्थापनांनी तथा सामाजिक संस्थांनी उत्स्फूर्तपणे सहभाग नोंदवला. 

मौलाना आझाद कॉलेज..

शनिवारी मनपा आयुक्त तथा प्रशासक जी श्रीकांत यांच्या संकल्पनेतुन होत असलेल्या महास्वच्छता अभियानात मौलाना आझाद महाविद्यालयातील एनएसएसच्या विद्यार्थ्यांनी महाविद्यालयात व परिसरात स्वच्छता मोहीम राबवली. 

या प्रसंगी शनिवारी घनकचरा व्यवस्थापन विभाग प्रमुख रवींद्र जोगदंड यांनी विद्यार्थ्यांना स्वच्छतेचे महत्त्व सांगितले तसेच जीवनात अभ्यासाचे महत्व व करियर बद्दल मार्गदर्शन केले. यावेळेस प्राचार्य मज़हर फ़ारूक़ी, एन एसएस कार्यक्रम अधिकारी जे.डी.शेख, प्र. शहाळा कादरी व अन्य उपस्थित होते आणि सहभागी झाले. 

शहगंज चमन स्वच्छता

दिनांक 3/ 8/ 2024 रोजी महास्वच्छता अभियान श्रमदान चमन शहागंज परिसर सकाळी 9:30 वाजता प्रतिज्ञा शपथ घेऊन सुरुवात करण्यात आली याप्रसंगी महानगरपालिकेचे सॅनिटरी इन्स्पेक्टर पंडित दाभाडे, सुपरवायझर दीपक पडूळ, महानगरपालिकेचे कर्मचारी, आणि लाईफ केअर ॲनिमल वेल्फेअर असोसिएशन संस्थेचे सचिव जयेश शिंदे, गुड्डू लाला, शकील भाई, वाजिद मिर्झा, जमीर खान, अफसर शेख, वसीम मिर्झा, मारिओ स्वामी, मोबीन शेख, व्यापारी संघटनेचे राजकुमार चांदलीवाल, पाटणी, दुकान चालक, हातगाडी चालक,

स्वच्छ हवा विषयक जनजागृती...

एमजीएमच्या क्लोव्हरडेल शाळेतील इयत्ता 6वी, 7वी आणि 8 वीच्या 200 विद्यार्थ्यांना वायू प्रदूषण आणि कचरा व्यवस्थापनाविषयी जागरुक करण्यात आले. सल्लागार डॉ. गीतांजली कौशिक यांनी छत्रपती संभाजीनगर स्वच्छ आणि हरित शहर बनवण्यासाठी विद्यार्थ्यांनी कराव्या लागणाऱ्या वैयक्तिक कृतींवर प्रकाश टाकला जसे की सायकलचा वापर, इलेक्ट्रिक गाड्या, सार्वजनिक वाहतूक, कचरा कमी करणे, ओला आणि सुका कचरा वेगळा करणे, कचरा न जाळणे, झाडे लावणे आणि त्यांची देखभाल करणे व शाळा आणि घराभोवती स्वच्छता ठेवणे. प्रभारी मुख्याध्यापिका वर्षा पोतदार, सत्र समन्वयक सूरज शिंदे, उदय देशमुख यांच्यासह शिक्षक - रुचिता पडळकर, अश्विनी दवणे आणि प्रणिता मोरे या कार्यक्रमात सहभागी झाले.

वायू प्रदूषण बाबत चर्चा सत्र...

शनिवारी किड्स वंडर पैलेस इंग्रजी शाळेत वायू प्रदूषण बाबत चर्चा सत्र घेण्यात आले. यावेळेस केंद्रीय प्रदूषण नियंत्रण मंडळाच्या अर्चना बनकर यांनी माहिती दिली. 

हॉटेल संघटना कडून स्वच्छता...

हॉटेल मालक संघटना कडून शनिवारी औरंगाबाद जिमखाना क्लब येथे स्वच्छता मोहिम राबवण्यात आली. यामध्ये औरंगाबाद जिमखाना क्लब व आजू बाजूचा परिसर स्वच्छ करण्यात आला. 

वॉर्ड क्रमांक 84 ज्ञानेश्वर कॉलनी महास्वच्छता अभियान...

 दि.01.07.2024 ते 15.07.2024 एक तास श्रमदान या आयुक्त तथा प्रशासक जी श्रीकांत यांच्या महत्वकांक्षी संकल्पनेतुन व उपायुक्त तथा घनकचरा व्यवस्थापन प्रमुख रवींद्र जोगदंड व सहाय्यक आयुक्त अर्जुन गिराम यांच्या मार्गदर्शनाखाली झोन क्रमांक 06 अंतर्गत वॉर्ड क्रमांक 84 ज्ञानेश्वर कॉलनी कासलीवाल सोसायटी मधील साईबाबा मैदान स्वच्छ करून मोहीम यशस्वी पने राबविण्यात आली सोबत, मा.नगरसेवक श्री कमलाकर अण्णा जगताप... 

स्वच्छता निरीक्षक कृष्णा विसपुते, विकास भाले , रितेश सौदे. ऋषिकेश खंडागळे, जवान संतोष गायकवाड, कर्मचारी वर्ग, कासलीवाल सोसायटी मधील सदस्य भावे व नागरिक उपस्थित होते.

मराठा विद्यार्थी वसतिगृह...

मनपा कर्मचाऱ्यांनी मराठा विद्यार्थी वसतिगृह कोतवालपुरा येथे असलेला क

चऱ्याचे ढीगचे निर्मूलन केले.