प्रदीप जैस्वाल यांच्या प्रचारार्थ सिने अभिनेता गोविंदाचा रोड शो...!

प्रदीप जैस्वाल यांच्या प्रचारार्थ अभिनेता 'गोविंदा'ची रॅली 

प्रदीप जैस्वाल यांना निवडून आणण्याचे केले आवाहन 

छत्रपती संभाजीनगर(औरंगाबाद), दि.11(डि-24 न्यूज)

मध्य मतदार संघातील शिवसेनेचे उमेदवार प्रदीप जैस्वाल यांच्या प्रचारार्थ मतदारसंघात आज सिने अभिनेता गोविंदा आहुजा ची भव्य रॅली काढण्यात आली होती. यावेळी आपल्या हक्काचा माणूस प्रदीप जैस्वाल यांना निवडून आणण्याचे आवाहन गोविंदाने केले. 

मध्य मतदार संघातील महत्वाच्या मानल्या जाणाऱ्या पैठण गेट पासून या रॅलीला सुरुवात करण्यात आली, गुलमंडी, निराला बाजार मार्गे प्रदीप जैस्वाल यांच्या प्रचार कार्यालयापर्यंत ही रॅली काढण्यात आली होती. रॅलीवेळी युवक-युवतींनी सेल्फी आणि फोटो काढण्यासाठी मोठी गर्दी केली होती. यावेळी बोलताना गोविंदा म्हणाले, "प्रदीप जैस्वाल हे शिवसेनेतील ज्येष्ठ नेते आहे. त्यांनी आपले आयुष्यच समाजासाठी आणि जनतेच्या हितासाठी अर्पण केले आहे. त्यांच्या मार्गदर्शनात मध्य मतदार संघात मोठा विकास झाला आहे. यापुढेही जनतेने त्यांना निवडून आणून विकासाची संधी द्यावी." असे आवाहन यावेळी गोविंदा ने केले. तसेच प्रदीप जैस्वाल यांनी रॅलीला उपस्थित राहिल्या बद्दल गोविंदाचे आभार मानले आणि म्हणाले, "गेल्या वेळी जनतेने मला निवडून आणत विधानसभेत पाठविले, या जनतेला मी कधीही विसरणार नाही, विकासासाठीच कायम काम करत राहणार. यावेळीही जनता मला साथ देईल आणि निवडून आणेल." असा विश्वास यावेळी प्रदीप जैस्वाल यांनी व्यक्त केला. यावेळी बाबुराव कदम, नागराज गायकवाड, विश्वनाथ राजपूत, कय्युम शेख, चंद्रकांत इंगळे, सागर करडक, पप्पू इंगळे, मनीषा मुंढे, शारदा घुले, सुषमा यादगिरे, रेणुका गायकवाड यांच्यासह महायुतीच्या पदाधिकारी आणि कार्यकर्त्यांची मोठ्या संख्येने उपस्थिती

होती.