मंत्री अब्दुल सत्तार यांनी घेतला शाळेतील खिचडीचा अस्वाद

पणन मंत्री अब्दुल सत्तार यांची बाभूळगाव जि.प. शाळेला अचानक भेट ; विद्यार्थ्यांसोबत शालेय पोषण आहाराचा घेतला आस्वाद

औरंगाबाद, दि .25(डि-24 न्यूज) पणन,अल्पसंख्याक मंत्री अब्दुल सत्तार आज मतदारसंघातील बाभूळगाव येथील जि.प. शाळेला अचानक भेट देत विद्यार्थ्यांसोबत मध्यान भोजनाचा आस्वाद घेतला.

 श्री सत्तार यांनी यावेळी विद्यार्थ्यांकडून शालेय पोषण आहारा विषयी माहिती जाणून घेतली. शासनाच्या निकषाप्रमाणे ठरलेल्या दिवशी पोषण आहार दिला जातो का, दिला जाणारा आहार वेळेवर दिला जातो का, ही सर्व माहिती अब्दुल सत्तार यांनी विद्यार्थ्यांकडून घेतली. 

आपल्या सोबत मंत्री खिचडीचा आस्वाद घेत असल्याचा विद्यार्थ्यांमध्ये आनंद दिसून येत होता. यावेळी अब्दुल सत्तार यांनी विद्यार्थ्यांसोबत मनसोक्त गप्पा मारल्या. विद्यार्थ्यांनीही मंत्र्यांनी केलेल्या प्रश्नांची मनसोक्त उत्तरे दिली.

शाळेसाठी सीसीटीव्ही कॅमेरे बसविण्यासाठी आपण मदत करणार असून या माध्यमातून मला शाळेतील कामकाजाचा नियमित व्हिडीओ शेअर करण्याच्या सूचना श्री.सत्तार यांनी शिक्षकांना दिल्या. यावेळी मंत्री अब्दुल सत्तार यांच्यासमवेत जिल्हा बँकेचे चेअरमन अर्जुन पा गाढे तसेच इतर पदाधिकारी उपस्थित होते.