मनपा प्रशासनाने दिव्यांगांचा भत्ता रोखल्याने भडकले आंदोलक, प्रतिज्ञापत्र देने बंधनकारक नाही

दिव्यांगांचा भत्ता रोखण्याचे प्रतिज्ञापत्र मागितल्याच्या निषेधार्थ केली अक्रामक निदर्शने...

 दिव्यांगांनी महापालिका मुख्य प्रवेशद्वारासमोर केली निदर्शने...

 औरंगाबाद, दि.13(डि-24 न्यूज) महानगरपालिका प्रशासनाच्या वतीने मासिक दिव्यांग भत्ता घेण्यासह संजय गांधी निराधार योजनेचा लाभ घेणाऱ्या दिव्यांग लाभार्थ्यांचा भत्ता बंद करून अन्य कोणत्याही शासकीय योजनेचा लाभ न घेण्याबाबत प्रतिज्ञापत्र मागविण्यात आले आहे. महापालिकेच्या या निर्णयामुळे संतप्त झालेल्या दिव्यांगांनी सोमवारी महानगरपालिका मुख्यालयात ठिय्या आंदोलन केले.

संतप्त दिव्यांगांनी प्रशासनाला जाब विचारला यावेळी कार्यकर्ते अक्रामक झाले होते.

 याबाबत शहर जिल्हा काँग्रेस कमिटीच्या दिव्यांग विभागाचे शहराध्यक्ष मुदस्सीर अन्सारी यांनी प्रशासनाचा हा निर्णय बेकायदेशीर असल्याचे सांगत असा कोणताही नियम नसल्याचे सांगितले. दिव्यांग व्यक्ती एकाच वेळी संजय निराधार योजना आणि महापालिकेकडून भत्ता घेऊ शकतात. त्यामुळे सर्व दिव्यांगांना भत्ता देण्यात यावा, या मागणीसाठी दिव्यांगांनी महापालिका मुख्यालयात घोषणाबाजी केली. ही बाब गांभीर्याने घेत उपायुक्त व विभागप्रमुख नंदा गायकवाड यांनी दिव्यांगांची भेट घेतली. गायकवाड म्हणाले की, सरकारी योजनांचा लाभ एकाच वेळी घेता येत नाही. त्यामुळे संजय गांधी महापालिकेकडून भत्ता घेण्यासह दिव्यांगासाठीच्या निराधार योजनेचा लाभ घेत आहेत. त्याचा भत्ता बंद करण्यात आला आहे. गायकवाड म्हणाले की, महापालिकेत 2 हजार 72 दिव्यांगांची नोंदणी झाली आहे. त्यापैकी 1556 दिव्यांगांना भत्ता वाटप करण्यात आला आहे. परंतु संजय गांधी निराधार योजनेचा लाभ घेतलेल्या 516 दिव्यांगांचा भत्ताही बंद करण्यात आला आहे. या सर्वांना प्रतिज्ञापत्र दाखल करावे लागणार आहे. म्हणून दिव्यांग संतप्त झाले आहेत. यावेळी आमदार व दिव्यांगांचे नेते बच्चू कडू यांनी उपायुक्त नंदा गायकवाड यांच्याशी चर्चा करून नियमात कोणताही अडथळा नसल्याचे सांगितले. महापालिकेकडून भत्ता घेण्यासोबतच राज्यभरातील दिव्यांगांना संजय गांधी निराधार योजनेचा लाभ मिळतो. त्यामुळे दिव्यांगांचा भत्ता बंद करू नये. असे सांगितले. पाच टक्के आरक्षित निधी दिव्यांगांवर खर्च करण्याचा नियम आहे हा निधी खर्च केला जात नसल्याचा आरोप यावेळी आंदोलकांनी केला.

या आंदोलनात औरंगाबाद जिल्हा सर्व पक्षीय एकता संघाचे जिल्हाध्यक्ष शेख मुनीर शेख गुलाब अहेमद, जिल्हा उपाध्यक्ष मोहसीन खान, सचिव मिर्झा माजेद बेग, सय्यद कलिम, शाहेदा शेख, सुरय्या शेख आदी उपस्थित होते.