शहरात एका अनधिकृत विनापरवाना बीफच्या दुकानावर चालला मनपाचा बुलडोझर...

झोन 04 मध्ये कारवाई, 07 अनधिकृत मांस विक्री करणाऱ्यांकडून 14000 रुपय दंड वसूल...

छत्रपती संभाजीनगर (औरंगाबाद), दि.15(डि-24 न्यूज)- आयुक्त महानगरपालिका व पोलीस आयुक्त तसेच मनपा अतिक्रमण नियंत्रण अधिकारी मा.श्री संतोष वाहूळे यांचे आदेशानुसार आज दि.15/10/2025 रोजी झोन क्र.04अंतर्गत मांस विक्री करणाऱ्या दुकानांची तपासणी करण्यात आली.

टाऊनहाॅल उड्डाणपुलाखाली असलेल्या एका विनापरवाना अनधिकृत बीफच्या दुकानावर मनपाचा बुलडोझर चालला. हि दुकान अतिक्रमण विभागाने निष्कासित केली. सदर कारवाई मध्ये एकूण 25 दुकानांची तपासणी करण्यात आली त्यापैकी महानगरपालिकेचे नाहरकत प्रमाणपत्र, मनपाची परवानगी नसलेल्या एकूण 07 दुकानधारकावर दंडात्मक कारवाई करण्यात आली व 14000 रुपये दंड वसूल करण्यात आला. तसेच सदर कारवाईमध्ये अनधिकृतपणे मांस विक्री करणाऱ्या दुकानातून 125 किलो मांस व इतर साहित्य जप्त करण्यात आले. तसेच अतिक्रमण नियंत्रण अधिकारी यांच्या आदेशानुसार झोन क्रमांक एक टाऊन हॉल ब्रिजच्या बाजूला असलेले रझीया बिफ शॉप हे अनधिकृत विनापरवाना दुकान निष्काशीत करण्यात आले.

सदर कारवाई मनपा उपायुक्त तथा सहाय्यक आयुक्त श्रीमती सविता सोनवणे मनपा पशुसंवर्धन अधिकारी डॉ. शाहेद शेख, सहाय्यक आयुक्त (अतिक्रमण) श्री संजय सुरडकर , सहाय्यक आयुक्त अर्चना राजपूत , पोलीस मुख्यालय येथील उप पोलीस निरीक्षक श्री आढाव व पोलीस कर्मचारी, इमारत निरीक्षक श्री रविंद्र देसाई, सागर श्रेष्ठ व पशुधन कर्मचारी इत्यादी मार्फत सदर करवाई करण्यात आली.