जटवाडा रोडवरील रहदारीला अडथळा निर्माण करणारे विजेचे खांब हटवण्यासाठी कामाला गती, अधिकाऱ्यांनी केली पाहणी...

जटवाडा रोडवरील रहदारीला अडथळा निर्माण करणारे विजेचे खांब हटवण्यासाठी कामाला गती... अधिका-यांनी केली पाहणी...

छत्रपती संभाजीनगर (औरंगाबाद), दि.23(डि-24 न्यूज)- हर्सुल जेल ते जटवाडा रोड सिमेंट काँक्रीट रस्त्याचे काम करत असताना रहदारीला अडथळा निर्माण करणारे विजेचे खांब न काढता ठेकेदाराने रस्ता बनवला. यामुळे दररोज या रस्त्यावर अपघात होत आहेत. आमदार प्रदीप जैस्वाल यांनी नागरिकांची तक्रार आल्यानंतर सार्वजनिक बांधकाम विभाग, महापालिका व महावितरणच्या अधिकाऱ्यांना सुनावले त्यानंतर प्रशासन झोपेतून जागे झाले. यानंतर हे विजेचे खांब हटवण्याच्या कामाला गती मिळाली आहे. सार्वजनिक बांधकाम विभागाचे अधिकारी सोनटक्के व जोशी आणि महावितरणचे अधिकारी यांनी रस्त्याची पाहणी केली. दोन दिवसांत काम सुरू करणार असल्याचे त्यांनी सांगितले. ज्या कंपनीला विजेचे खांब हटवण्याचे काम मिळाले लिनियर इंटरप्रायजेसचे इंजिनिअर शिवाजी किसे उपस्थित होते.