संविधानातील मुल्यांसाठी प्राणपणाने लढण्याचा निर्धार, हमाल कष्टक-यांनी मोटार सायकल रॅलीत केला निर्धार

संविधानातील मूल्यांसाठी प्राणपणाने लढण्याचा निर्धार..!!

हमाल कष्टकऱ्यांनी मोटार सायकल रॅलीत केला निर्धार....!!

छत्रपती संभाजीनगर (औरंगाबाद), दि.26(डि-24 न्यूज) -संविधान दिनी हमाल कष्टकऱ्यांनी शहरातून संविधान जागृती मोटार सायकल रॅली काढली व संवैधानिक मूल्यासाठी प्राणपणाने लढा देण्याचा निर्धार केला.

दि.26 नोव्हेंबर संविधान दिनी सकाळी 8:30 वाजता क्रांती चौकात छत्रपती शिवाजी महाराजांना अभिवादन करून मोटर सायकल रॅलीस सुरुवात झाली.

औरंगपुऱ्यातील फुले पुतळा, शहागंजातील महात्मा गांधी पुतळा, विद्यापीठ गेट वरील डॉ. बाबासाहेब आंबेडकर पुतळा, मिल कॉर्नर येथील राजश्री शाहू महाराज पुतळा यांना अभिवादन करून, संघटनेच्या नारळी बागेतील संविधान भवन येथे समारोप झाला.

रॅली व समारोप कार्यक्रमात महाराष्ट्र राज्य हमाल मापाडी महामंडळाचे सरचिटणीस साथी सुभाष लोमटे, मराठवाडा लेबर युनियनचे सरचिटणीस ऍड. सुभाष सावंगीकर, महात्मा गांधी स्मारक निधी चे प्रा. मच्छिंद्र गोरडे, श्रमिक मुक्ती दलाचे सुभेदार मेजर सुखदेव बन, उच्च न्यायालयातील ज्येष्ठ विधीज्ञ ॲड. सेवकचंद बाखरिया यांची प्रमुख उपस्थिती होती.

या मोटर सायकल रॅलीत साथी देविदास किर्तीशाही, साथी प्रवीण सरकटे, साथी सर्जेराव जाधव, साथी फरीद पठाण, साथी शिवाजी राऊत, साथी गणेश तरटे, साथी बाळू हिवराळे, साथी भरत गायकवाड, साथी अभिषेख, तात्याराव तौर, विजय दिवेकर, अशोक वाघमारे, सुसुंद्रे, अरविंद बोरकर, सतीश साळवे इ. ची प्रमुख उपस्थिती होती.

मजूरी वाढीसाठी डी डी आर ऑफिस वर गुरुवारी हमाल कष्टकऱ्यांची निदर्शने...

जाधववाडी बाजार समिती मधील हमालांचे मजुरीत वाढ करावी असा ठराव बाजार समितीने 3 महिन्यापूर्वी केला, पण डी डी आर ने त्यावर कोणतीही कारवाई केली नसल्याने, त्वरीत मजुरीत वाढ करावी यासाठी गुरुवार दि.27 नोव्हेंबर रोजी हमाल कष्टकऱ्यांची निदर्शने केली जाणार असल्याची माहिती, बाजार समितीचे संचालक साथी देविदास किर्तीशाही

यांनी दिली आहे.