आजपासून बीफची दुकाने बेमुदत बंद, मटन, चिकन, फिशच्या दुकानात गर्दी...

आजपासून बीफची दुकाने बेमुदत बंद, चिकण, मटन, फिश घेण्यासाठी गर्दी...

छत्रपती संभाजिनगर (औरंगाबाद), दि.11(डि-24 न्यूज)-

शहर आणि जिल्ह्यात जनावरांची खरेदी बंद केल्याने बीफची दुकाने बेमुदत बंद करण्याचा निर्णय ऑल इंडिया जमियतूल कुरेशने घेतल्याने बाजारपेठेतील परवानाधारक दुकाने बंद करण्यात आली आहे. अशी माहिती डि-24 न्यूजला ऑल इंडिया जमियतूल कुरेशचे मराठवाडा अध्यक्ष हाजी इसा कुरेशी यांनी दिली आहे.

त्यांनी सांगितले मराठवाड्यात हजारो बीफच्या दुकानांवर लाखो लोकांना व्यवसायाच्या माध्यमातून रोजगार मिळतो परंतु दुकानात बीफची विक्री करत असताना नाहक त्रास सहन करावा लागत आहे. जनावरांची धरपकड करुन विनाकारण केसेस केले जात आहे. चिकन, फिशची वाहतूक करत असताना विनाकारण गोवंशाच्या संशयातून मारहाणीच्या घटना घडत आहे म्हणून खानदेश, विदर्भ, पश्चिम महाराष्ट्रात अगोदर बीफ विक्री बंद करण्यात आली आणि आजपासून मराठवाडा व छत्रपती संभाजिनगर (औरंगाबाद) जिल्हा, तालूका व शहरात विक्री बेमुदत बंद करण्यात आली आहे. अशी माहिती हाजी इसा कुरेशी यांनी दिली आहे.

बीफची विक्री बंद असल्याने फिश, मटन व चिकनच्या दुकानांवर ग्राहकांची गर्दी वाढली आहे. सेंट्रल नाका चिकन, मटन व फिश मार्केटमध्ये ग्राहकांची गर्दी दिसून आली परंतु दर वाढलेले नाही अशी माहिती विक्रेत्यांनी दिली आहे.