दिपावली खरेदीचा सुपर संडे, वाहतूक कोंडी कायम

दिपावली खरेदीचा सुपर संडे, वाहतूक कोंडी कायम

औरंगाबाद, दि.5(डि-24 न्यूज) दीपावलीनिमित्त बाजारपेठेत खरेदीसाठी गर्दी होत आहे. आज रविवारी खरेदीचा सुपर संडे असल्याचे चित्र होते. दुपारी पैठणगेट ते गुलमंडी पर्यंत खरेदी करण्यासाठी मोठी गर्दी झाल्याने वाहतूक कोंडी झाली होती. यावेळी वाहतूक सुरळीत करण्यासाठी वाहतूक पोलीस नसल्याने वाहनधारकांना त्रास सहन करावा लागला.

टिळक पथ, पैठणगेट, गुलमंडी, रंगारगल्ली, सिटीचौक व औरंगपुरा भागात कपडे खरेदीसाठी ग्राहकांची गर्दी वाढली होती.

या रस्त्यावर चारचाकी वाहने मोठ्या प्रमाणात येत असल्याने वाहतूक कोंडी जानवत आहे. जसजसे दिपावलीचे दिवस जवळ येईल बाजारपेठेत आणखी गर्दी वाढणार असल्याने प्रशासनाने नियोजन करावे अशीही मागणी नागरिकांनी केली आहे.

खरेदीसाठी गर्दी बाजारपेठेत वाढत असल्याने व्यापारी सुखावले आहेत. मोठ्या प्रमाणात नवीन कपड्यांचा स्टाॅक उपलब्ध केला असल्याने ग्राहक खुश आहे. तर विविध सणासाठी साहित्य मिळत असल्याने दिपावली जल्लोषात साजरी करण्यासाठी शहरातील नागरिक सज्ज झाले आहे.