नारेगाव येथील कचरा डेपोपर्यंत 81 बांधकामे निष्कासित...

नारेगाव येथील भवानी चौक ते कचरा डेपो पर्यंत 81 बांधकामे निष्कासित...

छत्रपती संभाजीनगर (औरंगाबाद), दि.5 (डि-24 न्यूज) -

आज ऑगस्ट रोजी महानगरपालिका आयुक्त तथा प्रशासक जी श्रीकांत यांच्या आदेशानुसार, पोलीस आयुक्त प्रवीण पवार यांनी उपलब्ध करून दिलेल्या पोलीस अधिकारी आणि नियंत्रण अधिकारी अतिक्रमण विभाग संतोष वाहुळे यांच्या उपस्थितीत    

नारेगाव येथील भवानी चौक ते कचरा डेपो पर्यंत केलेल्या कारवाईत एकूण 81 एवढी उर्वरित पक्की आणि कच्ची बांधकामे ज्यामध्ये हॅाटेल, दुकाने, शेड,कंपाऊंड, शेड, गॅरेज, फलक, साईन बोर्ड इ. निष्कासित करण्यात आले.

सदर कारवाई मध्ये महानगरपालिकेच्या 350 अधिकारी व कर्मचाऱ्यांचा तर पोलीस विभागाचे 200 अधिकारी व कर्मचाऱ्यांचा समावेश होता.

या कारवाईसाठी 15 जेसीबी, 4 पोकलॅन, 15 टिप्पर, 2 रूग्णवाहिका, 2 कोंडवाडा वाहने, 2 अग्निशमन बंब, 5 इलेक्ट्रिक हायड्रॅालीक वाहने इ. वाहनांचा समावेश होता.

सदरील कारवाई मध्ये कार्यकारी अभियंता (यांञिकी) अमोल कुलकर्णी, पोलीस उप आयुक्त प्रशांत स्वामी, सुदर्शन पाटील, सहाय्यक पोलीस आयुक्त धनंजय पाटील, पोलीस निरीक्षक गजानन कल्याणकर, अविनाश आघाव, सुनीता मिसाळ, कुंदन वाघमारे, हरेश्वर घुगे, मनपा सहायक आयुक्त सविता सोनवणे, अशोक गिरी,

रमेश मोरे, सय्यद समीउल्लाह,भारत बिरारे, नईम अन्सारी, अर्चना राजपूत, प्राजक्ता वंजारी, अर्जुन गिराम, राहुल जाधव, अतिक्रमण समनव्य अधिकारी संजय सुरडकर व इमारत निरीक्षक कुणाल भोसले, शिवम घोडके,सागर श्रेष्ठ, तृप्ती जाधव,सय्यद जमशेद, सय्यद मजहर अली, नगररचना विभागाचे सुरज सवंडकर, शिवानंद नलगीले व नागरी मित्र पथकाचे प्रमोद जाधव सहभागी होते.

पोलीस आयुक्त यांनी दिली स्थळभेट...

आज नारेगाव येथे 30 मीटर रुंद रस्त्यावर बाधित मालमत्ता काढण्याची कारवाई सुरू असताना पोलीस आयुक्त श्री प्रवीण पवार यांनी पाहणी दिली. त्यांनी पोलीस बळाला सूचना केल्या व नागरिकांशी संवाद साधला. रस्ता रुंदीकरणाची मोहिमेत नागरिकांनी सहकार्य करावे असे आवाहन त्यांनी यावेळी केले. यामुळे पोलीस आणि महानगरपालिका अधिकारी आणि कर्मचारी यांचे मनोबल वाढले.