बच्चे कंपनीने मनपाच्या शाळेत सुरु केली विद्यार्थी बचत बँक

मनपा प्रियदर्शनी विद्यालयांमध्ये विद्यार्थी बचत बँकेचे उद्घाटन...

औरंगाबाद, दि.24(डि-24 न्यूज) मनपा प्रियदर्शनी विद्यालयात प्रियदर्शनी विद्यार्थी बचत बँक या नावाने विद्यार्थ्यांच्या हस्ते उद्घाटन करण्यात आले. वीरांशी पखाले, ओरियांशी पखाले, शौनक जीवनवाल, मयंक यादव, कृतिका वनशेट्ये या विद्यार्थ्यांनी उद्घाटन केले. याप्रसंगी प्रमुख अतिथी शाळेच्या ज्येष्ठ शिक्षिका शोभा पवार व डी मार्टचे मार्गदर्शक श्रद्धा जालान आणि मुख्याध्यापक संजीव सोनार हे होते. संजीव सोनार यांनी विद्यार्थ्यांना बचतीचे महत्त्व सांगितले आणि शाळेतील 330 विद्यार्थ्यांचे बँकेत खाते उघडले. सर्व विद्यार्थी प्रत्येक शनिवारी बँकेचा व्यवहार करतील.

विद्यार्थ्यांना पासबुक आणि पैसे काढण्यासाठी व भरण्यासाठी पावती पुस्तक देण्यात येणार आहे.

बँकेचा व्यवहार शाळेचे सहशिक्षक प्रकाश इंगळे व सूर्यमाला जाधवर बघणार आहेत.

कार्यक्रमाच्या यशस्वीतेसाठी तेजस्विनी देसले, बी आर राठोड, मनीषा नगरकर, संगीता चौधरी यांनी परिश्रम घेतले.