महापालिकेच्या वर्धापनदिन दिनानिमित्त महापुरुषांना अभिवादन

राष्ट्रीय महापुरुषांना अभिवादन करून 41 व्या मनपा वर्धापन दिनाची सुरुवात

औरंगाबाद, दि.8(डि-24 न्यूज) महानगरपालिकेच्या 41 व्या वर्धापन दिनानिमित्त आज डिसेंबर रोजी सकाळी आयुक्त तथा प्रशासक जी श्रीकांत यांच्या हस्ते क्रांतीचौक येथील छत्रपती शिवाजी महाराजांच्या पुतळ्यास पुष्पहार अर्पण करून अभिवादन करण्यात आले व वर्धापन दिनानिमित्त आयोजित विविध कार्यक्रमांची सुरुवात करण्यात आली.

   यावेळी अतिरिक्त आयुक्त रणजीत पाटील, शहर अभियंता ए बी देशमुख, मुख्य लेखा व वित्त अधिकारी संतोष वाहुळे, उप आयुक्त अंकुश पांढरे, मुख्य उद्यान अधिकारी विजय पाटील ,कार्यकारी अभियंता बी डी फड, आर एन संधा, उप अभियंता परदेशी,अग्निशमन अधिकारी शिवाजी झनझन, सांस्कृतिक अधिकारी शंभू विश्वासू, माहिती व जनसंपर्क अधिकारी तौसिफ अहमद, सहायक आयुक्त संजय सुरडकर, कर्मचारी यांची उपस्थिती होती.

 उपस्थित मान्यवरांच्या उपस्थितीत औरंगपुरा येथील महात्मा फुले,क्रांती ज्योती सावित्री बाई फुले,मील कॉर्नर येथील छत्रपती शाहू महाराज, भडकल गेट येथील डॉ बाबासाहेब आंबेडकर,मनपा मुख्यालय टप्पा क्र 3 येथील छत्रपती शिवाजी महाराज,लेबर कॉलनी येथील लोकशाहीर अण्णाभाऊ साठे व टिव्ही सेंटर येथील छत्रपती संभाजी महाराज यांच्या पुतळ्यास अभिवादन करून या अभिवादन कार्यक्रमाची सांगता करण्यात आली.

  याच बरोबर सर्व झोन कार्यालय अंतर्गत येणाऱ्या महापुरुषांच्या पुतळ्यांना सर्व सहायक आयुक्त यांच्या हस्ते अभिवादन करण्यात आले.