महाराष्ट्रात महाविकास आघाडीची लाट आहे - आदीत्य ठाकरे

महाराष्ट्रात महाविकास आघाडीची लाट आहे - आदीत्य ठाकरे

छत्रपती संभाजीनगर(औरंगाबाद), दि.7(डि-24 न्यूज) महाराष्ट्रात विधानसभा निवडणुकीत महाविकास आघाडीची लाट आहे. महाविकास आघाडीने पाच गॅरंटी दिली आहे शिवसेनेने आपला वचननामा आज जाहीर केला आहे. मागिल अडिच वर्षात ज्या राजकीय घडामोडी घडल्या महायुती सरकारने राज्याला लुटण्याचे काम केले. भाजपा हा जुमलेबाज पक्ष व विरोधकांच्या विरोधात खोटे नॅरेटिव्ह चालवत आहे. मराठवाड्यात महायुती सरकारने मंत्रिमंडळाची बैठक घेतली होती ज्या घोषणांचा पाऊस पाडला ते पूर्ण केले का हे जनतेला माहीत आहे. मराठवाड्यावर अन्याय करण्याचे काम या सरकारने केले. भाजपाच्या जाहिरातीबाबत काँग्रेसचे शिष्टमंडळाने निवडणूक आयोगाची भेट घेतली कारवाई होईल का याचा विश्वास नाही अशी टिका शिवसेना उध्दव ठाकरे पक्षाचे युवासेना प्रमुख आदित्य ठाकरे यांनी टिका केली.

आज कन्नड व वैजापूर येथे जाहिर सभेसाठी विमानतळावर आगमन झाले यावेळी ते माध्यमांशी बोलत होते. यावेळी विरोधीपक्षनेते अंबादास दानवे, शिवसेना नेते चंद्रकांत खैरे व पदाधिकारी, कार्यकर्ते उपस्थित होते.